प्रभातमा असोज ८ गते ‘खुशी खोसिएको मन’ देखाईने

उर्लाबारी असोज २ गते । आरम्भ नाट्य डबलीले असोज ८ गते उर्लाबारी—९ स्थित प्रभात आधारभुत विद्यालयमा जनचेतना मुलक नाटक ‘खुशी खोसिएको मन’ मञ्चन गर्ने भएको छ । समाजमा घटि आउने समस्याहरुलाई नाटक मार्फत प्रस्तुत गर्दै जनचेतना जगाउन खोजिएको डबलीका अध्यक्ष समिर सुवेदीले बताउनुभयो । सोहि दिन विद्यालयका पूर्व विद्यार्थी तथा समाजसेवी सुन्दर श्रेष्ठले वुवा इन्द्रनारायण श्रेष्ठको स्मृतिमा विद्यार्थीहरुको लागि आइडीकार्ड हस्तान्तरण गर्ने कार्यक्रम छ । उहाँले नाटकको व्यवस्थापनको लागि पनि सहयोग पुर्याउनुभएको छ । यसअघि वुवा इन्द्रनारायणको स्मृतिमा सुन्दरले मञ्च,घेराबारामा सहयोग,रंगरोगन,वाल उद्यानका समाग्री मात्र नभएर १० जना विद्यार्थी निशुल्क पढाईदिनुभएको छ ।
विद्यालयका प्रअ मोहन चाँपागाईले कितावी ज्ञान मात्र नभएर नाटक तथा साँस्कृतिक कार्यक्रमको मार्फत विद्यार्थीमा चेतना जागृत गराउन लागिएको बताउनुभयो ।