उर्लाबारी, ३ असोज ।
उर्लाबारी नगरपालिकाका प्रमुख खड्ग फागोले सहकारीले बिपन्न समुदायको जीवनस्तर उकास्न ध्यान दिनुपर्ने बताउनुभएको छ । सहकारीले सबैलाई समेटेर उनीहरुको जीवनस्तर उकास्न ध्यान दिनुपर्ने उहाँको भनाई छ ।
उर्लाबारी–७ स्थित कान्ति बचत तथा ऋण सहकारी संस्थाको आठौ साधारणसभालाई सम्बोधन गर्दै नगर प्रमुख फागोले सो कुरा बताउनुभएको हो । उर्लाबारीका जनताले तिरेको करबाट विकास र समृद्धि आउने बताउँदै फागोले आफूले चुनावका बेला वाचा गरेका सबै कुरा एकएक गरेर पुरा गर्ने प्रतिबद्धता व्यक्त गर्नुभयो ।
संस्थाका अध्यक्ष इन्द्रप्रसाद संग्रौलाको अध्यक्षतामा भएको सो सभामा वडाध्यक्ष बिरबल थापा, उर्लाबारी उद्योग वाणिज्य संघका वरिष्ठ उपाध्यक्ष विनोद न्यौपानेलगायतले बोल्नुभएको थियो ।
