देबु बानियाँ
पर्वत । नेपाल जेसीजकी राष्ट्रिय कार्यकारीणी उपाध्यक्ष रश्मि शिल्पकारले क्षेत्र ‘ख’ सम्मेलन ऐतिहासिक हुने बताउनु भएको छ ।
पर्वत जेसीजको आतिथ्यतामा शुक्रवारबाट पर्वतको कुश्मामा हुने सम्मेलनका बारेमा जानकारी गराउँदै कार्यकारीणी उपाध्यक्ष शिल्पकारले सम्मेलन फरक र ऐतिहासिक हुने बताउनु भएको हो ।
साथै उहाँले सम्मेलनको सबै तयारी पुरा भएको र आगन्तुक जेसीजकर्मीहरुको स्वागतमा रहेको बताउनु भयो ।
‘तपाईहरु सबै जेसीजकर्मीहरुलाई पर्वतमा स्वागत छ’ क्षेत्र ‘ख’ सम्मेलन सभापति समेत रहनु भएकी उपाध्यक्ष शिल्पकारले भन्नु भयो–‘सबै क्षेत्रमा भएको सम्मेलनको अनुभवलाई संगालेर यो सम्मेलनलाई ऐतिहासिक बनाउने तयारीमा छौँ ।’
सम्मेलनमा सहभागि हुने जेसीजकर्मीहरुका लागि यो पटक फरक रुपमा तालिम दिने तयारी गरिएको छ । ट्रेनर अच्युत प्रभुले दिने उक्त ट्रेनिङ ‘leadership from ancient ara for today,s youth ’ विषयमा हुनेछ ।
नेपाल जेसीजको आयोजना हुने यस सम्मेलनमा यस क्षेत्रमा रहेका ३२ वटा शाखाका ४ सय ५० भन्दा बढी जेसीजकर्मीहरुको सहभागिता रहने उहाँले बताउनु भयो । उहाँका अनुसार सम्मेलनमा सहभागि हुनका लागि नेपाल जेसीजका राष्ट्रिय अध्यक्ष सिनेटर श्रीधर बस्यालसहित राष्ट्रिय पदाधिकारीहरुको आगमन समेत सुरु भएको छ ।
यस अघि गत बैशाख २८ र २९ गते क्षेत्र ‘घ’ को त्रिभूवननगर जेसीजको आतिथ्यतामा दाङमा सम्पन्न भएको थियो । क्षेत्र ‘ग’ को साँखुमा भदौ १५ र १६ मा र क्षेत्र ‘क’ को भदौ २२ र २३ गते सुरुङ्गामा सम्पन्न भइसकेको छ ।
