उर्लाबारी । समाजसेवी सुन्दर श्रेष्ठले मोरङको उर्लाबारी–९ खोपिडाँडास्थित प्रभात आधारभुत विद्यालयमा मञ्च निर्माण गरिदिएका छन् ।
यसअघि उनले सो विद्यालयको घेराबारा निर्माण गरिदिनुका साथै रङरोकन समेत गरिदिएका थिए । यसैबीच सोमबार एक कार्यक्रमका बीच समाजसेवी श्रेष्ठले सो विद्यालयलाई बाल उद्यमका सामग्रीहरु समेत बितरण गरेका छन् । कार्यक्रममा श्रेष्ठले सो विद्यालयमा अध्ययनरत विद्यार्थीहरुलाई परिचयपत्र समेत बितरण गरेका छन् । समाजसेवी श्रेष्ठले त्यस क्षेत्रमा निजी लगानीमा बिभिन्न सामाजिक कार्यहरु सम्पन्न गरेका छन् ।
उनले निजी लगानीमा भोटेपुल–खोपिडाँडा सडकखण्डमा सडक बत्ती जडान गरिदिएका थिए ।
उनकै सहयोगमा स्कुलमा आरम्भ नाट्य डबलिले खुशी खोसिएको मन बिद्यालयमा मन्चन गरेको थियो । उर्लाबारी नगरपालिकाका प्रमुख खड्ग फागोले नगरपालिकाको सहयोगमा बिद्यालयको छानो छाइएको रिबन काटेर उद्घाटन गरेका छ्न ।
