काठमाडौँ, १२ असोज । पछिल्लो समय नेपाल कम्युनिष्ट पार्टी (नेकपा) का नेता बामदेव गौतमलाई उपनिर्वाचन लडाएर प्रतिनिधिसभामा ल्याउने प्रयास व्यापक रुपमा भएको छ ।
गत मंसिरमा भएको निर्वाचनमा गौतमलाई चुनाव हराउन तत्कालीन एमाले अध्यक्ष केपी शर्मा ओली नै लागेका थिए ।
स्वयं ओली र उनको गुटका नेताहरु भने गौतमलाई उपनिर्वाचन उठाउने स्थान बन्नै नदिन लागि परेका छन् । यसले नेकपामा तरङ्ग पैदा गरेको छ ।
नेकपाका नेताद्वय माधवकुमार नेपाल र झलनाथ खनाललाई आपूmले प्रधानमन्त्री बनाएको नेकपाका अध्यक्ष पुष्पकमल दाहालले संसदमा बताइसकेका छन् ।
उनै दाहालको जोडबलमा गौतमलाई सांसद् बनाई प्रधानमन्त्री बनाउन प्रयत्न गरिएको चर्चा कता कता सुन्न पाइन्छ । व्यक्तित्व एवं क्षमताका हिसाबले गौतम, नेपाल र खनालभन्दा अग्रपंक्तिमा आउछन् ।
नेकपा अध्यक्ष एवं प्रधानमन्त्री केपी शर्मा ओली र सचिवालयका सदस्यहरुले चासो नदिएपछि डोल्पाबाट उपनिर्वाचनमार्फत् चुनाव लड्ने सपना लगभग समाप्त भएको छ ।
पूर्वीरुकुम र प्यूठानबाट पनि गौतमलाई नछाड्ने संकेत पाएपछि अहिले बाँके(१ र दैलेखले चर्चा पाएको छ । आफ्नो खुट्टामा गौतमले बन्चरो हान्न सक्ने आँकलन गरेर ओलीले चासो नदेखाएको स्रोत बताउँछ ।
राष्ट्रियसभाको सांसद् बन्न छाडेर गौतमले उपनिर्वाचनमार्फत् सांसद् भई प्रधानमन्त्री बन्ने ध्याउन्नमा लागेको भन्दै ओलीले गौतमको सपना कुनै पनि हालतमा पुरा हुन नदिने सोचका साथ बसिरहेका छन् । अभियान टाइम्सका साथमा ।
