कानेपोखरी १५ असोज । मोरङको कानेपोखरी–३ निवासी युवा समाजसेबी देवेन्द्र लुइटेलले आफ्नो गाउँमा जितिया पर्व मनाउने विपन्न वर्गका थारु समूदायलाई नगद सहयोग गर्नु भएको छ ।
नेपाली कांग्रेसका नेता समेत रहनु भएका लुईटेलले कानेपोखरी कांग्रेसका सभापति योगेन्द्रप्रसाद दाहाल मार्फत ५ हजार ६ सय रुपियाँ सहयोग गर्नु भएको हो । विपन्नहरूले सामूहिक रुपमा वितिया पर्व मनाउन सकुन भनेर खर्च ब्यवस्थापन गरिदिएको लुइटेलले बताउनु भयो ।मङ्गलबार थारु समूदायले जितिया पर्व हर्षोल्लास पूर्वक मनाउँदै छन् ।
सामाजिक तथा राजनीतिक क्षेत्रमा स्थापित हुँदै गरेका लुइटेलले यस अघि मुस्लिम समूदायलाई पनि बकर इद मनाउन ६६ हजार रुपियाँ आर्थिक सहयोग गर्नु भएको थियो । पछिल्लो समय मोरङको कानेपोखरी र आसपासका क्षेत्रमा लुइटेलले विद्यालयमा अध्ययन गर्ने बालबालिकालाई विद्यालय पोशाक र अध्ययन सामग्री प्रदान गर्दै आउनु भएको छ ।
