उर्लाबारी । मोरङको उर्लाबारी नगरपालिकाले राजमार्ग सरसफाई अभियान शुरु गरेको छ ।
आज बाट शुरु भएको उत्त अभियान एक साताभित्रमा सकिने नगर प्रमुख खड्ग फागोले बताउनुभयो । अभियानको आज बिहान मावा पुल छेउबाट नगरप्रमुख फागोले ग्रास कटर मेशिनको प्रयोग गरी उद्घाटन गर्नुभयो ।
नगरपालिका भित्र पर्ने राजमार्ग अन्तर्गत पुर्वको मावा पुल र पश्चिम तर्फ सुनझोडा पुलसम्म सरसफाई गरीने नगर प्रमुख फागोले बताउनुभयो । नजिकिदै गरेको चाडपर्वलाई समेत लक्षित गरी सरसफाई अभियान शुरु गरिएको हो । बिशेष गरी राजमार्गको उत्तर दक्षिण किनारामा रहेको झाडी हटाउने गरी काम शुरु भएको छ । उत्त क्षेत्रलाई लागुपदार्थ सेवन गर्नेहरुले आफ्नो सुरक्षित स्थान ठान्ने गरेको र त्यसको अन्त्यका लागी पनि राजमार्गको दुवै किनार सफा गर्ने अभियान शुरु गरीएको नगर प्रमुख फागोले बताउनुभयो ।
आजबाट शुरु भएको सरसफाई कार्यक्रम एक साता भित्रमा सम्पन्न गरीसक्ने बताईएको छ । यस्तै उर्लाबारी नगरपालिका र ट्राफिक प्रहरी उर्लाबारीको सहकार्यमा राजमार्गका बिभिन्न स्थानमा मापदण्ड अनुरुप जेव्रा क्रसिङ निर्माणको काम पनि तत्काल शुरु गरीने नगरपालिकाले जनाएको छ । यअघि जुनसुकै स्थानमा जथाभावि रुपमा बनाइएका जेव्रा क्रसिङलाई बिस्थापित गर्दै मापदण्ड अनुसार नँया जेव्रा क्रसिङ बनाईने बताईएको छ ।
