झापा । नवलपुर जेसीजको सप्ताहा व्यापी कार्यक्रम अन्तर्गत शनिवार ७ किलो मिटरको खुल्ला दौड प्रतियोगीता सम्पन्न भएको छ । प्रतियोगिताको उपाधी सुधिप थारुले जितेका छन् । २३ मिनेट ११ सेकेन्डमा तोकिएको दुरी पुरा गर्दे थारुले उपाधी जित्न सफल भएका हुन् । उपाधीसँगै उनले नगद १० हजार प्राप्त गरे । २३ मिनेट।१६ सेकेन्डमा रुजन कुमार झेडिले दुरी पुरा गरि दितिय हुन सफल भएका छन । उनले नगद ५ हजार पाए । तृतिय स्थानका लागि झकमान गुरुङले २३।मिनेट ३० सेकेन्डमा दुरी पुरा गर्दै ५ हजार जिते ।
प्रतियोगितामा महिलाहरुका लागि पनि बेग्लै पुरस्कारको व्यवस्था गरिएको थियो । महिलाको तर्फबाट दोलमायाँ महतोले प्रथम स्थान हासिल गरिन् भने दितियमा कल्पना श्रेष्ठ र मुना गुरुङ तृतिय हुन सफल भएकी छन् । महिला तर्फ प्रथमहुनेलाई ५ हजार द्धितिय हुनेहरुलाई ३ ,हजार र तृतिय हुनेलाई २ हजारको रासीको पुरस्कार रहेको थियो ।
जेसीज वर्ष २०१८का अध्यक्ष त्रिभुवन तिवारीको अध्यक्षतामा भएको कार्यक्रममा प्रमुख अतिथी कावासोती नगरपालिकाका मेयर चन्द्र कुमारी पुन रहनु भएको थियो । प्रतियोगितामा १५० जना प्रतियोगीले सहभागिता जनाएका थिए । जसमा ६ जना महिला र १ सय ४४ जना पुरुषहरु सहभागी रहेको खुल्ला दौड प्रतियोगीता थाना चोक देखी पन्चकन्या चोक,हेल्पोस चोक , रामनगर चोक हुदैै पुरानो कावासोतीमा रहेको जेसिस भवन सम्म पुगेको थियो । महिला तर्फ ६ जना मात्र सहभागी भएको हुदा महिलाहरुलाई विशेष प्राथमिकतामा राखेर सहभागि भएका सम्पूर्ण प्रतियोगीलाई हौसलालाई बढउने उद्धेस्यका साथ थप २ जनालाई पनि १,१ हजार प्रदान गरिने समेत अध्यक्ष तिवारीले जानकारी दिनु भएको छ ।पुरस्कार सप्ताह व्यापी कार्यक्रमको समापनको दिन प्रदान गरिनेछ ।
