झापा । अर्जुनधारा जेसीजको जेसीज सप्ताह अन्तरगत सोमवार व्याटमिन्टन प्रतियोगिता सुरु भएको छ । पहिलो दिनको खेलमा पहिलो चरणका खेलहरु सम्पन्न भएका छन् । २४ जना युवाहरुको सहभागिता रहेको प्रतियोगिताको फाइनल खेल मंगलवार हुने कार्यक्रम संयोजक वसन्त बुढाथोकीले बताउनु भयो ।
प्रतियोगिताको उद्घाटन अर्जुनधारा नगरपालिकाका मेयर हरि रानाले गर्नु भएको थियो । प्रतियोगिताको उद्घाटन गर्दै कार्यक्रमका प्रमुख अतिथि समेत रहनु भएका रानाले अर्जुनधारा नगरपालिका क्षेत्रको व्याटमिन्टन खेललाई प्रोत्साहन र बढवा दिनका लागि नगरले लगानी गर्ने बताउनु भयो । साथै उहाँले पहिलो चरणमा खेलको पिच बनाउनका लागि सुरु गरिने समेत बताउनु भयो । खेलकुद तथा सामाजिक क्षेत्रमा अर्जुनधारा जेसीजले गरेको कार्यको उहाँले प्रशंसा समेत गर्नु भयो ।
अर्जुनधारा जेसीजका शाखा अध्यक्ष अजयकुमार देवको सभापतित्वमा सम्पन्न कार्यक्रममा पूर्व जेसीज समाजका जिल्ला अध्यक्ष विनोद बस्नेत, समाजसेवी मदनगोपाल कन्दङ्वा। रमेश प्रसाईलगायतले शुभकामना व्यक्त गुर्न भएको थियो । कार्यक्रमको संयोजक वसन्त बुढाथाकी रहनु भएको छ यसैगरी सप्ताह अन्तरगत आइतवार सन्तलाल, बृजमोहन स्मृति सडक दौड भएको छ । दौडको उपाधी पुरुषतर्फ चारआलीका धावक रमेश मण्डलले जिेतको छन् । उनले खुजुनाबारीदेखि शनिश्चरेसम्मको दुरी १९ मिनेट २ सकेण्डमा पार गर्दै उपाधी चुमेका हुन् । उनले जितसँगै १५ हजार प्राप्त गरे । प्रतियोगितामा खुजुनावारीका प्रकाश दनुवारले २० मिनेट १२ सेकेण्डमा दुरी पार गर्दै नगद १० हजार हात पारे भने चारआलीका चेतबहादुर थापाले तेस्रो हुँदै नगद ५ हजार प्राप्त गरे ।
महिलातर्फ ममता राउत प्रथम, निकि लिम्बू दोस्रो र रीता गजमेर तेस्रो भए । उनीहरुले क्रमश ५ हजार, ३ हजार र २ हजार प्राप्त गरे ।
प्रतियोगितामा २६ पुरुष र ५ महिलाको सहभागिता रहेको कार्यक्रम संयोजक वसन्त बुढाथोकीे बताउनु भयो । सप्ताह अन्तरगत मंगलवार बिहान अर्जुनधारा धाम सरसफाई र दिउँसो रक्तदान कार्यक्रम रहेको अध्यक्ष देवले बताउनु भयो । 
