इटहरी । इटहरी ९ स्थित बसपार्कमा १४ बर्षीया बालिकालाई जबरजस्ती करणी गरेको आरोपमा एकजना पक्राउ परेका छन् ।
करणीको आरोपमा गढिगाउपालिका ८ छिटाहा बस्ने बर्ष ३० को प्रमोद चौधरीलाई पक्राउ गरिएको इलाका प्रहरी कार्यालय इटहरीले जनाएको छ ।
चौधरीले बालिकालाई ललाई फकाई गरी इटहरी ९ स्थित गोधुली होलटमा लगेर धाक धम्की देखाई करणी गरेको भनी पिडित परिवारले दिएको उजुरीको आधारमा पक्राउ गरिएको इलाका प्रहरी कार्यालय इटहरीले बताएको छ ।
निर्माण सम्बन्धि लेवर काम गर्ने उनिहरु शुरुमा इटहरीको बसपार्कको एक होटलमा बसेका थिए । प्रहरीले उक्त होटलमा छापा मारेपछि भागेर उनिहरु गोधुली होटलमा बसेका थिए । सोही होटलमा बालिकालाई जबरजस्ती करणी गरेको प्रहरीले जनाएको छ ।
पक्राउ परेका चौधरीलाई मंगलबार जिल्ला अदालतबाट म्याद थप गरि अनुसन्धान शुरु गरिएको प्रहरीले जनाएको छ । घटना आईतबार साँझ भएको बताइएको छ ।
