काठमाडौं,२६ असोज । नेपाल कम्युनिष्ट पार्टीका अध्यक्ष पुष्पकमल दाहालले नेता बामदेव गौतमले नै उपचुनाव नलड्ने भनिसकेकाले अब यसबारे कुरा गर्न जरुरी नरहेको बताए ।
त्यतीमात्र होर ? प्रचण्डले भने,विकास निर्माणका काम छोडेर वामदेवका लागि उपचुनाव हुँदैन
।
केहि दिन सम्म वामदेव नभै भएन भन्न भ्याएका प्रचण्डले आज अर्कै कुरा गरे पछि वामदेव गुटमा खैलाबैला मच्चिएको छ । काठमाडौं ७ का सांसद रामवीर मानन्धरले राजीनामा दिएर वामदेव गौतम चुनाव लड्ने तयारी थियो ।
यस्तो तयारी पहिला पनि थियो । तर, चतर्फी आलोचना भएपछि गौतम पछि हटेपछि दाहालले यस्तो बताएका हुन् ।
शुक्रबार आलापोटमा आयोजित शुभकामना आदानप्रदान कार्यक्रममा दाहालले विकास निर्माण छाडेर उपचुनावमो 'लफडा'मा नलाग्ने स्पष्ट पारे ।
दाहालले केपी ओली नेतृत्वको सरकारको भने खुलेर प्रशंसा गरे । ६ महिनाको अवधिमा नै सरकारले विकासको आधार खडा गरेको भन्दै उनले अब देखिने गरी काम हुने पनि बताए ।
