झापा । तिलोत्तमा जेसीजका अध्यक्ष इश्वर पाण्डेले आफनो जन्मदिन र बैवाहिक उत्सव अनाथ आश्रमका बालवालिकासंँग मनाउनु भएको छ ।
सानैदेखि सामाजिक कार्यमा सक्रिय पाण्डेले यस वर्ष जन्मदिन र बैवाहिक उत्सव मणिग्राम स्थित अनाथ आश्रमका वालबालिकासंग मनाउनु भएको हो ।
पाण्डेले आफनी जीवनसंगिनी रेनुका पाण्डे गैरेसहित अनाथ तथा असहाय महिला कल्याण समाजद्धारा सञ्चालित आत्म शान्ति अजाथ आश्रममा जानु भएका पाण्डेले त्यहा रहेका १२ अनाथ बालवालिकालाई एक एक जोर जुत्ता मोजा बितरण गर्नु भयो । पाण्डेले बालवालिकालाई आजको भोजन समेत गराउनु भएको छ ।
सोही अवसरमा बरिष्ठ समाजसेवी रोमणि प्रसाद पाठक, नेपाल जेसीजजका पुर्व कार्यकारी उपाध्यक्ष बिनोद सुवेदी, आश्रमकी अध्यक्ष मैनादेबि भण्डारीले पाण्डेले गर्नु भएको कार्यको प्रशंसा गर्नुभयो । बरिष्ठ समाजसेवी पाठकको प्रमुख आतिथ्यमा भएको कार्यक्रमको सञ्चालन तिलोत्तमा जेसीजका महासचिव बिदुर पौडेलले गर्नु भएको थियो ।
