काठमाडौं ,३ कार्तिक । आज बडा दशैं टीकाको दोस्रो दिन एकादशी । मान्यजनबाट जमरा र आशीर्वाद ग्रहण गर्दै टीका लगाउने क्रम आज पनि जारी छ।
हिजो विजया दशमीको दिन देश विदेशमा रहेका नेपालीले घटस्थापनाका दिन दशैंघरमा विधिपूर्वक स्थापना गरी नौ दिनसम्म दुर्गा भवानीको पूजाआराधना गरिएको टीकाप्रसाद अग्रजको हातबाट थापेर आशीर्वाद ग्रहण गरे।
सुख, शान्ति, समृद्धि र वैभव प्राप्त हुने धार्मिक विश्वास अनुसार यो बडा दशैं भब्यरुपमा मनाइन्छ । ठूलाले सानालाई टीका लगाई आशीर्वाद दिने चलन कोजाग्रत पुर्णिमा सम्म रहन्छ ।
