काठमाडौं । पाँचौं पुस्ताको इन्टरनेट ५ जी आएसँगै इन्टरनेटको गति अत्यधिक रहने विवरणहरु आइसकेका छन् । यो इन्टरनेटको सन् २०१९ देखि विश्वका केही मुलुकहरुमा परीक्षण पनि सुरु हुनेछ ।
५जीले इन्टरनेटको गति मात्र नभई समग्र प्रविधिको क्षेत्रमा क्रान्ति ल्याउनेछ । यस्तोमा लाखौं डिभाइसहरु एक अर्काको सम्पर्कमा रहनेछन् । यस्तोमा यो प्रविधिले मानिसको जीवनमा कस्तो परिवर्तन ल्याउला भन्ने अहिले सबैको चासोको विषय बन्न पुगेको छ ।
यो इन्टरनेट सेवा आएसँगै एक सेकेण्डमा २० गिगाबाइट्सको डाटा प्रयोग गर्न सकिन्छ । ३जी र ४जीको तुलनामा ५जी इन्टरनेट २० गुण तीव्र हुने बताइएको छ ।
विशेषगरी निम्न चार क्षेत्रमा यो इन्टरनेटले महत्वपूर्ण परिवर्तन ल्याउनेछ –
स्मार्ट सिटिज
५जीको माध्यमबाट मानिसहरुले स्वचालित कारमा पनि एकअर्कासँग राम्रोसँग कुराकानी गर्न सक्नेछन् । साथै उनीहरुले आफ्नो सवारीहरुको विवरण तथा नक्साको विवरण पनि साझेदारी गर्न सक्नेछन् । साथै सहरमा सबै मानिसहरुमाथि निगरानी राख्न तथा स्वचालित बत्तीहरुको प्रयोग गरी ट्राफिक व्यवस्थापनको लागि पनि निकै सहज हुनेछ ।
स्मार्ट होम्स
५जी सेवाको माध्यमबाट घरको सुरक्षा प्रणाली, बिजुली र पानीको खपतको पनि मानिसहरुले व्यवस्थापन गर्न सक्नेछन् । यसले मानिसको स्वास्थ्यको पनि ख्याल राख्नसक्छ । यसले मानिसलाई आफ्नो स्वास्थ्यको विषयमा ध्यान दिनको लागि केही सहज हुनेछ भने फजुल खर्च रोक्न पनि सहयोग गर्नेछ । कुनै आपतकालीन अवस्थामा पनि डक्टरलाई बोलाउन यसले सहयोग गर्नेछ ।
स्वाचालित कार
५जीको सहयोगमा स्वचालित कारको आर्टिफिसियल इन्टेलिजेन्स (एआई)मा सुधार गर्न सकिन्छ । स्वचालित कार धेरै छिटो चलाउने चक्करमा यसको मार्गदर्शन सही हुन सक्दैन । यसको कारण यसलाई चलाउनका लागि मानवीय हस्तक्षेपको आवश्यकता हुन्छ । यद्यपि ५जी आएसँगै यसको स्वरुपमा पनि व्यापक परिवर्तन आउनेछ ।स्वास्थ्य निरीक्षण
५जी आएपछि स्वास्थ्यसम्बन्धी उपकरणहरुको सेन्सर लगातार जोडिइरहेका हुन्छन् । यसको माध्यमबाट पलपलको जानकारी हासिल गर्न सकिन्छ । विदेशमा रहेको डक्टरबाट पनि उपचार गराउन सकिन्छ । एजेन्सी
