कार्तिक ९, काठमाडौं । सरकारले अब मोटरसाइकल दर्ता प्रदेशअनुसार गर्ने भएको छ । मन्त्रिपरिषद्ले सवारी साधन दर्तासम्बन्धी निर्देशिका संशोधन गरी प्रदेशअनुसार दर्ता गर्ने व्यवस्था गरेको हो ।
संशोधित नियमावली एक–दुई दिनमै राजत्रमा प्रकाशित भएपछि अञ्चलको सट्टा प्रदेशका आधारमा सवारी साधन दर्ता सुरु गरिने जानकारी यातायात व्यवस्था विभाग स्रोतले दिएको छ ।
सरकारले वाग्मती अञ्चल यातायात कार्यालयमा रोकिएको दर्तासमेत खोलेको छ । यसअघि नियमावलीमा दुई डिजिट नम्बरको गाडी मात्र दर्ता गर्ने व्यवस्था रहेको र वाग्मतीमा मोटरसाइकलको
९९ लटसमेत सकिएपछि असोज १६ देखि नयाँ दर्ता अवरुद्ध भएको थियो । वाग्मतीमा १० लाख मोटरसाइकल पुगेपछि नयाँ दर्ता गर्न समस्या भएको थियो ।
नियमावलीले अब तीन डिजिटमा समेत नयाँ सवारी साधन दर्ता हुने व्यवस्था गरेको छ । अब वाग्मतीमा १०० लटका मोटरसाइकल दर्ता सुरु हुनेछ । यातायात विभागमातहतका अञ्चलकार्यालयले सवारी साधन दर्ता गरे पनि प्रदेशअनुसारको नम्बर दिइने विभागले जनाएको छ ।
‘मुलुक संघीयतामा गइसकेकाले संशोधित नियमावलीअनुसार प्रदेशको नाम अथवा कोड राखेर सवारी साधन दर्ता गर्न थालिनेछ,’ विभागका एक अधिकारीले भने । अब अञ्चल लेखिएको ठाउँमाप्रदेशको नाम अथवा कोड हुनेछ । त्यसपछि कार्यालयको कोड, मोटसाइकलको लट र नम्बर हुनेछ । समाचार कान्तिपुरमा छ ।
