काठमाडौं । गायिका मेलिना राईको स्वर नसुनी कसैले झट्ट हेर्दा उनलाई गायिका हैन नायिका भन्ने गर्छन् । उनको सुन्दरता मात्र हैन स्वर पनि उत्तिकै मिठो र सुन्दर छ । सुृरिलो स्वरकी धनी मेलिना अहिले गीत रेकर्डिङको लागि बिभिन्न स्टुडियो धाउनुका साथै देशबिदेशका कार्यक्रममा ब्यस्त छिन् ।
आफ्ना हरेक गीतहरु गाउन उत्तिकै मेहनत गर्ने मेलिनालाई ‘तिमीले बाटो फेर्यौ अरे’बोलको गीतबाट धेरैले चिने । उक्त गीतबाट सांगीतिक क्षेत्रका धेरैमाझ चिनिएकी मेलिनालाई त्यसपछि भने पछाडी फर्केर हेर्नुपरेन । उनले गाएका चर्चित गीतहरुमा ‘कुटुमा कुटु’, ‘कम्मर माथी पटुकी’, ‘शिरैमा शिरबन्दी’, ‘सिओडब्लु काउ’, ‘माछीले खाने खोलीको लेउ’ लगायतका हुन् ।
गीतसंगीतसँगै मेलिना सामाजिक संजालमा पनि उत्तिकै सक्रिय छिन् । आफ्ना फ्यानहरुमाझ उनी आफ्ना दैनिक क्रियाकलापकहरुको अपडेट गरि नै रहन्छिन् । यस्तैमा उनले आफ्ना तस्विरहरु पनि सामाजिक संजालमा पोस्ट गर्ने गर्छिन् । हामीले त्यहाँबाट केही तस्विरहरु छानेका छौँ । हेरौँ तस्विरहरुः
तस्बिर – इंस्टाग्रामबाट
