मीनकुमार ‘नवोदित’ पत्रकारिता क्षेत्रमा क्रियाशिल व्यक्तित्वको नाम हो । ‘नवोदित’ पत्रकारिता क्षेत्रमा मात्र नभएर साहित्य जगतमा पनि उत्तिकै प्रखर हुनुहुन्छ । २०५२ देखि साहित्यिक लेखन र २०५७ देखि निरन्तर पत्रकारिता मा लागिरहनुभएका नवोदितको कलमजिवी हुनुहुन्छ ।
२०३८ साल भदौ १७ खोटाङ, बतासे–७, रात्माटामा बुबा गंगाबहादुर श्रेष्ठ र आमा धनमाया श्रेष्ठ पुत्ररत्नका रुपमा उदाएका मीनकुमार रेडियो,टेलिभिजन र पत्रिकामा काम गर्ने मेहेनती पत्रकारमा पर्नुहुन्छ । विराटनगरलाई कार्यथलो बनाएर पत्रकारिता गरिरहनुभएका नवोदितलाई हामीले आफ्नो जिवन भोगाई प्रश्न सौध्यौ, जसको जवाफ यस्तो छ ।
तपाई कहाँ जन्मिनुुभयो ?
खोटाङमा
कस्तो परिवारमा ?
किसान
बाल्यकाल कसरी बित्यो ?
सामान्य
सञ्चार क्षेत्रमा कसरी आउनुभयो ?
सानैदेखि मलाई साहित्य र पत्रकारिता मन पथ्र्यो त्यही भएर पत्रकारितामा प्रवेश गरेको हुँ । २०५७ सालदेखि मेरो पत्रकारिता अगाडि बढेको हो ।
सुरुवाती दिनमा कत्तिको गाह्रो भयो काम गर्न ?
निकै गाह्रो भयो नि । जुनसुकै क्षेत्रमा सुरुमा गाह्रै हुन्छ ।
अरु केही बन्ने सपना थियो कि ?
आफू जन्मेको जिल्लाको प्रमुख जिल्ला अधिकारी (सीडीओ) हुने ।
कसैले ल्याएको हो या आफै आउनुुभयो ?
आफैं आएको हुँ ।
सजिलै स्थापित हुनुभयो या संघर्षबाट ?
साहित्य लेख्ने भएकाले भाषा राम्रो थियो । शुद्धसँग लेख्न सक्थें, त्यही भएर खासै गाह्रो परेन ।
मोफसलमा सञ्चार माध्यमहरु चलाउन कत्तिको गाह्रो छ ?
निकै नै गाह्रो छ ।
पत्रकारिता क्षेत्र बदनाम किन बन्दै गईरहेको छ?
पत्रकारिता क्षेत्रमा गैरव्यावसायिक व्यक्ति हाबी हुँदा बदनाम भएजस्तो लाग्छ ।
यसलाई रोक्न के गर्नुपर्ला ?
परीक्षा पास गरेर मात्रै पत्रकारितामा प्रवेश गर्ने व्यवस्था हुनुपर्छ । तस्करहरुले सञ्चारमाध्यम चलाउनु भएन ।
आफ्नै नजरमा मीनकुमार के हो र कोहो ?
आमनागरिक जस्तै एउटा सामान्य व्यक्ति हो मीनकुमार । मेहनत, लगनशील र इमान्दारिताको पर्यावाची हो ।
मान्छेहरुले तपाईलाईं कसरी चिनोस् जस्तो लाग्छ ?
मीनकुमार मेहनती, संघर्षशील, इमान्दारिता र जिम्मेवार छ भनेर चिन्दा हुन्छ ।
आफ्ना सबल पक्ष के के ठान्नुहुन्छ ?
सहयोगी, इमान्दार, संघर्षशील, मेहनती ।
अनि कमजोर पक्ष चाहिं नि ?
अरुलाई चाँडै विश्वास गर्नु ।
कसैलाई हेर्ने धारणा कसरी बनाउनुहुन्छ ?
उसको आनीबानी र बोलीचालीका आधारमा ।
तपार्इंलाई कति खेर रिस उठ्छ ?
कसैले नभएको आरोप लगायो भने ।
अनि कतिखेर भावुक हुनुहुन्छ ?
विदेश पलायन भएका युवाहरुले दुःख पाएको समाचार पढ्दा ।
तपाईलाई कस्तो स्थितिले उत्तेजित तुल्याउँछ ?
भावनासँग खेल्ने व्यक्तिहरुको कारण मलाई उत्तेजित बनाउँछ ।
तपाई कतिको संयमित हुनुहुन्छ ?
म धेरै हदसम्म संयमता अपनाउँछु ।
अनि कतिखेर खुुसी हुनुहुन्छ ?
म घरपरिवारसँग भएको बेला बढी खुसी हुन्छु ।
तपार्इंका दुःखहरु के हुन् ?
हरेक दुःखलाई मैले आफ्नो सफलताको सिढी बनाएँ । त्यसैले मैले दुःखलाई दुःखका रुपमा लिएको छैन ।
अनि तपाईंको सुख चाहिं नि ?
म सधैं सुखी भएको महसुस गर्छु । दुःखलाई पनि मैले सुखकै रुपमा लिएको हुन्छु ।
तपाईंको जीवनको सबैभन्दा दुखद क्षण ?
मेरो आमा गुमाउँदा क्षण नै सबैभन्दा मेरा लागि दुःखको क्षण हो ।
तपाईंको जीवनको सबैभन्दा अप्ठ्यारो मोड कुन थियो ?
मानिसका जीवनमा हरेक मोडहरुमा अप्ठ्यारा आइपर्छन् । त्यस्ता मोडलाई सम्याउँदै अगाडि बढ्नु पर्छ ।
त्यसलाई के को बलमा पार गर्नुभयो ?
इच्छाशक्ति, आत्मबलले पार लगाउँछु ।
अहिलेसम्म तपाईंले गर्नुभएको सबैभन्दा सही निर्णय ?
म हरेक निर्णय सोचविचार गरेर गर्छु । राम्रो निर्णय भन्नुपर्दा रुसमा भएको विश्वकप हेर्न जाने निर्णय ।
अनि गलत चाहिं नि ?
त्यस्तै केही छैन ।
सबैभन्दा पछुुतो लागेको क्षण ?
आफू जन्मेको ठाउँका लागि केही गर्न सकेको छैन । त्यसो भएकाले अहिले पनि पछुतो लागिरहन्छ ।
अहिलेसम्म सबैभन्दा बढी रुनुु भएको क्षण ?
दुई वर्षअघि बुवा निकै साह्रो बिरामी हुनुभयो, मसित बोल्न पनि सक्नुभएन त्यतिबेला ।
अन्तिम पटक कहिले रुनुु भयो किन ?
कहिलेकाहीं देशको अवस्था सम्झिएर आँसु आउँछ ।
तपाईलाई कस्तो मान्छे म पर्छ ?
प्रस्ट वक्ता, मनमा पाप नभएको, सहयोगी ।
अनि कस्तो मन पर्दैन ?
मनमा कपट भएको । अरुको कुभलो चाहने ।
तपाई कस्ता मान्छेलाई घृणा गर्नुहुन्छ ?
अरुको सफलतामा जल्नेहरुलाई घृणा गर्न मन लाग्छ ।
फुर्सदको समय कसरी बिताउनुहुन्छ ?
राम्रा राम्रा पुस्तक पढेर र कविता, गीत लेखेर ।
तपाईलाई असाध्यै मन पर्ने पुुस्तक ?
महाकवि लक्ष्मीप्रसाद देवकोटाको मुनामदन ।
अहिले कस्ता पुस्तक पढिरहनु भएको छ ?
रामलाल जोशीको सखी ।
दोहोराएर पढ्नुु भएको पुुस्तक ?
वीपी कोइरालाको जेल जर्नल
कस्ता फिल्म हेर्नुुहुन्छ ?
सामाजिक विषयवस्तुमा आधारित ।
तपाईलाई मन पर्ने फिल्म ?
दर्पण छाँया
दोहोराएर हेर्नुभएको फिल्म ?
अहिलेसम्म कुनै फिल्म दोहोर्याएर हेरेको छैन मैले ।
तपाईलाई म पर्ने हिरो हिरोइन ?
श्रीकृष्ण श्रेष्ठ र प्रियंका कार्की
तपाईंलाई रुवाएको फिल्म ?
दर्पण छाँया
मनपर्ने गायक–गायिका ?
शिशिर योगी, अञ्जु पन्त
मनपर्ने ठाउँ ?
पोखरा
मनपर्ने खाना ?
नेपाली खाना, दाल, भात, तरकारी र अचार ।
मनपर्ने पोशाक ?
पेन्ट र सर्ट ।
तपाईलाई मन पर्ने नेपालका नेता ?
वीपी कोइराला ।
अनि विदेशका मन पर्ने नेता चहिं नि ?
नेलसन मण्डेला
नयाँ पुस्ताका नेपालका मन पर्ने नेता ?
गगन थापा, गोकर्ण विष्ट
तपाईंको आदर्श को हो, किन ?
मेरो परिवार, परशु प्रधान । परिवारले मलाई संस्कार सिकाउनुपर्छ । परशु प्रधानले साहित्य र पत्रकारितामा अगाडि बढ्न हौसला प्रदान गर्नुभयो ।
नेपालका मन पर्ने साहित्यकार ?
महाकवि लक्ष्मीप्रसाद देवकोटा ।
आफैंप्रति तपाईलाई केही गुनासो छ कि ?
त्यस्तो केही छैन ।
अनि यो समाजप्रति चाहिं नि ?
समाजप्रति चाहिं छ । हाम्रो समाज दिन प्रतिदिन स्वार्थी बन्दै गएको छ । त्यसप्रति चाहिं गुनासो छ ।
जीवन के रहेछ ?
कर्कलाको पानी हो ।
बाँकी योजना र सपना कस्ता छन् ?
पत्रकारितामा अझै राम्रो काम गर्ने । राम्रा–राम्रा साहित्य सिर्जना गर्ने ।
पत्रकारितामा लागेर के पाउनुभयो ?
पत्रकारितामा लागेर धेरै पाएँ । म सन्तुष्ट छु आफ्नो पेशाप्रति । पत्रकारितामै लागेर आधा दर्जनभन्दा बढी मुलुक घुमें । झण्डै दुई दर्जन सम्मान र पुरस्कार पाएँ । त्योभन्दा बढी समाजको माया पाएको छु ।
अनि के गुमाउनु भयो ?
पत्रकार भएपछि धेरै नै व्यस्त हुनुपर्छ । घरपरिवारलाई पर्याप्त समय दिन पाइँदैन । घरपरिवारलाई दिने समय गुमाएँ ।
पत्रकारितामा लागेर बाँच्न सकिने वातावरण बनेको हो त ?
बनेको छ । क्षमतावान र सक्षम पत्रकारको आज पनि अभाव छ । मिडियाहरुले खोजिरहेका हुन्छन् । वार्गेनिङ गरेर पैसा लिने अवस्था सिर्जना भएको छ । आफूसँग क्षमता छ भने पत्रकारिता गरेर बाँच्न सक्ने अवस्था छ ।
नयाँलाई के सुझाव दिनुहुन्छ ?
जुन क्षेत्रमा लाग्नुहुन्छ, त्यो क्षेत्रमा पोख्त हुनुहोस् । लहैलहैमा कुनै पनि क्षेत्रमा नलाग्नुहोस् । राम्ररी अध्ययन गरेर लाग्नुहोस् सफलता अवश्य प्राप्त हुन्छ ।
