उर्लाबारी । उर्लाबारी—९ हाल हङकङमा रहनुभएका प्रकाश थापा मगरले आफ्नो आमाको स्मृतिमा दुर्गापुरीमा भईरहेको प्रदेश स्तरीय फुटवल प्रतियोगिताको ट्रफि र प्रमाणपत्र र मेडलको सौजन्य गर्नुभएको छ । खेलप्रेमी थापाले आफ्नो गाउँमा भईरहेको खेलमा सहयोग पुगोस भनेर ५० हजार बराबरको उक्त पुरस्कार सहयोग गर्नुभएको हो ।
यसअघिका खेलहरु तथा सामाजिक काममा पनि उहाँले सहयोग पुर्याउदैं आउनुभएको छ । आमाको स्मृतिमा प्रकाश मगर कैलाश थापा मगरले साविक राजघाटको गाविस भवनमा चौतरा पनि निर्माण गरिदिनुभएको थियो । फुटवल प्रतियोगितालाई सहयोग पुर्याउनुभएकोमा आयोजक तथा खेल संयोजक कमल फ्याकले धन्यवाद प्रकट गर्नुभएको छ ।
