काठमाडौं, १६ कात्तिक । गत निर्वाचन अगाडि चुनावी तालमेल र निर्वाचनपछि गत जेठमा पार्टी एकता गरेका तत्कालिन एमाले अध्यक्ष तथा बर्तमान प्रधानमन्त्री केपी शर्मा ओली र तत्कालिन माओवादी अध्यक्ष पुष्पकमल लाहालबीच अन्र्तद्वन्द्व चुलिएको छ ।
दुई पार्टी मिलेर बनेको नेपा कम्युनिष्ट पार्टी(नेकपा)का अध्यक्षद्वय ओली र दाहालबीच अहिले औपचारिक कार्यक्रममा बाहेक अन्य अवस्थामा आन्तरिक छलफल समेत नहुने निकटस्थ स्रोतहरु बताउँछन् ।
दुई नेता अहिले एउटै जुवाँमा नारिएका हल गोरु जस्तो भइरहेको टिप्पणी स्वयः नेकपाका नेताहरु गर्न थालेका छन् ।
चुनाव जितेर सत्ता कब्जा गर्नका लागि हतारमा रहेको एमाले र माओवादीको मेलमिलाप अहिले यतिखेर अप्ठेरोमा झुण्डिएको फर्सीको जस्तो अवस्थामा छन् ।
अप्ठेरोमा फलेको नेकपारुपी फर्सीका लहराहरु यताउता तन्किदै जतिबेला पनि फुट्ने अवस्थामा पुगेको छ । कार्यकर्ताहरु आफ्नो भविष्यका लागि समूह बदल्दै छन् ।
दुवै पार्टी एक भएपछि शक्तिशाली पार्टीको निर्वाचित अध्यक्ष हुने दाहालको सपना स्वर्गीय गिरिजाप्रसाद कोइरालाको प्रथम राष्ट्रपति हुने सपना जस्तै हुने सम्भावना देखिन्छ ।
माधवकुमार नेपाल वा ईश्वर पोखरेलमध्ये एक अध्यक्ष बन्ने तयारीमा लागरिहेका छन् । महासचिवमा नारायणकाजी श्रेष्ठको सम्भावना देखिन्छ ।
दाहालको समूहबाट दाहाल अध्यक्ष र वामदेव गौतम महासचिवमा उठ्ने सम्भावना देखिन्छ । हार्ने खेलमा भाग लिएर अन्तराष्ट्रिय जगतमा बदनाम हुनुभन्दा त्यो भन्दा पहिल्यै पार्टी फुटाएर कांग्रेस र मधेस केन्द्रित दलहरुको सहयोग र समर्थनमा आफै प्रधानमन्त्री हुने चाँजोपाँजो दाहाल मिलाउँदै छन । दाहालले दक्षिण र पश्चिमका सूत्रधारहरसँग गोप्य गतिविधि बढाईरहेको बुझिन्छ ।
चुनाव जित्ने स्वार्थमा फस्दा एमाले बर्बादतिर उन्मुख हुँदैछ । दाहाल पार्टी फुटाएर गएको अवस्थामा प्रधानमन्त्री ओली नेपाली कांग्रेससँग सहमति गरेर अघि बढ्ने गुप्त योजनामा लागिरहेको स्रोतहरु बताउँछन् । अभियान टाइम्सका साथमा ।
