देबु बानियाँ
झापा । नेपाल जेसीजलाई अन्तराष्ट्रिय समुदायमा एकै पटक दुई वटा सफलता मिलेको छ । जसमा पहिलो सपलता नेपाल जेसीजका वर्ष २०१८ का अध्यक्ष सिनेटर श्रीधर बस्याल विश्व जेसीजको स्किल डेभ्लोप्मेन्ट कमिटिको सदस्यमा मनोनित हुनु भएको छ ।
भारतको गोवामा जारी जेसीजको अन्तराष्ट्रिय महासभामा भएको विश्वका जेसीजहरुको भेलाबाट अध्यक्ष बस्याल सदस्यमा मनोनित हुनु भएको हो ।
वर्ष २०१९ का लागि यस कमिटिको अध्यक्षमा निर्वाचित हुनु भएका एलेक्ज जेन्डर टियोले नेपालका अध्यक्ष बस्याललाई कमिटिको सदस्यमा मनोनित गर्नु भएको हो । शनिवार सम्म सञ्चालन हुने महासभामा सहभागि हुन नेपालबाट अध्यक्ष बस्यालको नेतृत्वमा जेसीजकर्मीहरु गोवा पुग्नु भएको छ । वर्ष २०१८ मा नेपाल जेसीजलाई कुशल र प्रभावकारी नेतृत्व प्रदान गर्दै आउनु भएका अध्यक्ष बस्याल प्रखर र स्पष्ट वक्ता तथा एक कुशल अभिभावकको रुपमा रहनु भएको छ । उहाँको यो सफलतामा नेपाल भरीका जेसीजकर्मीहरुले सोसियल मिडिया मार्फत खुसी साटासाट गरिरहनु भएको छ । यो सफलताले नेपाल जेसीज अन्तराष्ट्रिय समुदायमा थप उचाईमा पुगेको नेपाल जेसीजका पूर्व कार्यकारीणी उपाध्यक्ष एवम् वर्ष २०१९ का लागि सम्भावित राष्ट्रिय अध्यक्ष महेश पौडेलले बताउनु भयो ।
यसैगरी दोस्रो सफलतामा सोही भेलामा विश्वका १० उत्कृष्ट युवाहरुलाई प्रदान गरिने उत्कृष्ट युवा पुरस्कार नेपालका कमल लामिछानेलाई प्रदान गरिएको छ ।
जापानको युनिभरसिटिमा सह प्रधापकको रुपमा काम गर्दै आउनु भएका लामिछानेले पाउनु भएको यो पुरस्कार नेपालीहरुका लागि गौरवको बनेको पौडेलले बताउनु भयो ।
