उर्लाबारी कात्तिक १७ । मोरङको उर्लाबारी–८ स्थित दुर्गापुरीमा जारी प्रदेश स्तरीय फुटबल प्रतियोगिता आज शनिवार दोस्रो सेमिफाईनल खेल हुँदैछ ।
आज दोस्रो सेमिफाईनल खेलमा चर्च व्वाईज क्लब र दमक फुटवल क्लब खेल्दैछन् ।
शुक्रबार भएको पहिलो सेमिफाईनल खेलमा आयोजक टिमले मुनाल क्लब चन्द्रगढी झापालाई २–० ले हराउँदै उपाधि नजिक पुगेको छ । स्थानीय अरनिको माध्यमिक बिद्यालयको खेल मैदानमा भएको पहिलो खेलमा आयोजक टिमले पहिलो हाफमा एक र दोश्रो हाफमा एक गोल गरेको थियो ।
आजको विजेताले कात्तिक १९ गते फाईनल खेलमा आयोजकसँग प्रतिस्पर्धा गर्नेछ । प्रतियोगितामा प्रथम हुनेलाई दुई लाख र द्वितीय हुनेलाई एक लाख नगदसहित मेडल, ट्रफी र प्रमाणपत्र प्रदान गरिने खेल संयोजक कमल फ्याकले जानकारी दिए ।
