उर्लाबारी । मोरङको उर्लाबारी—८ दुर्गापुरीमा भईरहेको प्रथम प्रदेश स्तरीय नकाउट फुटवल प्रतियोगिताको कात्तिक १९ गते हुने फाईनल प्रतियोगितामा चर्चित गायक डम्बर नेपालीले प्रस्तुति दिने भएका छन् । आफ्नो जन्मथलोमा भईरहेको फुटवल प्रतियोगितालाई अझ भब्य र रोमाञ्चक बनाउन डम्बरले प्रस्तुति दिन लागेको खेल संयोजक कमल फ्याकले जानकारी दिनुभयो ।
कुलझोडा युवा क्लवको प्रतियोगितामा आफ्नो साँगीतिक प्रस्तुति दिने तयारी गरिरहेको डम्बरले बताए । गायक नेपालीको ‘मेरो जिवनबाट जाने भए जाउँ,’आज आकाशमा लगायत थुप्रै गीत चर्चित छन् ।
प्रतियोगितामा प्रथम हुनेलाई दुई लाख तथा द्वितीय हुनेलाई एक लाख नगदसहित मेडल, ट्रफी र प्रमाणपत्र प्रदान गरिने आयोजकका संयोजक फ्याकले बताए ।
