रंगेली । नेपाली कांग्रेसका प्रवक्ता विश्वप्रकाश शर्माले मुलुकमा राजनैतिक समस्याहरु समाधान भई सकेकाले अब मुलकु समृद्धको बाटोमा अगाढी बढ्नु पर्नेमा सरकारको व्यवहारले गर्दा जनतामा निराशा छाएको बताए ।
उनले नेपाली कांग्रेसको सरकारको पालामा धरहरा छोएको महँगी अहिलेको सरकारको पालामा आउदा सगरमाथाको उचाई नाघेको औलाउदै महँगी र कालोबजारी नियन्त्रण गर्न नसकेको बताए । उनले भने– नेपाली कांग्रेसले मुलुकभर पराजय हुदा आफु भित्र रहेका कमजोर सुधार्ने मौका पाएको छ, संगै कम्युनिष्टहरुको चरित्र पनि जनताले हेरी रहेकाले नेपाली कांग्रेसलाई चुनाव हार्दा पनि फाईदै पुगि रहेको तर्क राखेका थिए ।
अर्का नेपाली कांग्रेसका केन्द्रीय सदस्य एव पुर्व स्वास्थ्य मन्त्री गगन थापाले नेपाली कांग्रेसले चुनाव जित्नु हार्नु भन्दा पनि संविधानलाई जोगाउनु प्रमुख दायित्व रहेको बताए । उनले संविधानको स्थायीत्व, निरन्तरता, सफलता संरक्षण गर्नु नै कांग्रेसको प्रमुख चुनौती रहेको बताउदै उनले संविधान कार्वान्वयनको पक्षमा नेपाली कांग्रेस प्रतिपक्ष नभई सधै नेपाल कम्युनिष्ट पार्टिको साथ भएको बताएका थिए । तर संघियता नेपाललाई फाप्दैन, मनपदैन भनेर प्रधानमन्त्रीको कुर्सीमा बसेर प्रधानमन्त्रीले बोल्न नमिल्ने बताए ।
सो अवसरमा नेपाली कांग्रेस केन्द्रीय सदस्य एव प्रतिनिधीसभा सदस्य डा. डिला संग्रौला, रमेशजंग रायमाझी, प्रदेश सभा सदस्य शिव नारायण सिंह, केदार कार्की, रतुवामाई नगरपालीकाका मेयर रविन राई, उर्लावारी नगरपालीकाका मेयर खड्ग फागो, जिल्ला सचिव मोदराज घिमिरे, दिलिप गच्छदार, मोरङ्ग क्षेत्र नं.२ का क्षेत्रीय अध्यक्ष नागेश्वर प्रसाद सिंह लगायतले मन्तव्य राखेका थिए
