इटहरी ।इटहरीस्थित धरान लाईनको सप्तकोशी इलेक्ट्रोनिक्स पसलमा लागेको आगो अझै नियन्त्रणमा आउन सकेको छैन । १ बजेदेखि शुरु भएको आगलागी नियन्त्रणको लागी इटहरी, दुहबी, धरान र बिराटनगरको दमकले प्रयास गरिरहेका छन् । साथै नेपाली सेना, शसस्त्र प्रहरी, नेपाल प्रहरी र स्थानियले पनि आगलागी नियन्त्रणमा सहयोग गरिरहेका छन् ।
पसलमा लागेको आगोले छेउको अर्काे घरमा पनि क्षति पुगेको छ । इलेक्ट्रोनिक्स पसलसगै गोदाम र अन्य पसल समेत रहेको कारण ठुलो क्षति भएको अनुमान गरिएको छ । पसलका सामानहरु सुरक्षित साथ निकाल्ने प्रयास समेत भइरहेको छ ।
आगलागी भएको पसल इटहरीका व्यवसायी नेत्र कार्कीको रहेको बताइएको छ ।
