काठमाडौं । साँग्रिला डेभलपमेन्ट बैंक संकटमा पर्ने संभावना बढेर गएको छ । बैंकको गत आवको तुुलनामा नाफा उच्च रुपमा घटेको छ । नाफा घट्नुुको प्रमुुख कारण जोखिम बढी हुने र व्यवस्थापन खर्च उच्च हुुनुु हो ।
सोही आधारमा आगामी समय साँग्रिलाका सेयर लगानीकर्ताहरुले पाउने लाभांस पनि घट्ने संभावना बढेर गएको छ । बैंकले चालुु आर्थिक बर्षको पहिलो त्रैमासिक अवधिमा एक करोड ९२ लाख ९२ हजार रुपैयाँ खुद मुनाफा आर्जन गरेको छ । गत आवको सोही अवधिमा बैंकको यस्तो मुनाफा चार करोड १० लाख ६५ हजार रुपैयाँ रहेको थियो ।
चुक्ता पुंजी दुुई अर्ब ५० करोड ६३ लाख ८५ हजार रुपैयाँ रहेको बैकले चालुु आर्थिक बर्षको पहिलो त्रैमासिक अवधिमा १६ अर्ब ७४ करोड ७२ लाख ४७ हजार रुपैयाँ निक्षेप संकलन गरी १५ अर्ब छ करोड २२ लाख २४ हजार रुपैयाँ कर्जा प्रवाह गरेको छ ।
सो अवधिमा १९ करोड ९६ लाख २४ हजार रुपैयाँ खुद व्याज आम्दानी गरेको बैंकमा प्रोभिजन रकम नौ करोड सात लाख ५८ हजार रुपैयाँ रहेको छ भने निष्क्रिय कर्जाको अनुुुपात दुुई दसमलव ४० प्रतिसत रहेको छ ।
गत आवको सोही अवधिमा भने बैंकले १३ अर्ब ८० करोड ४४ लाख ७२ हजार रुपैयाँ निक्षेप संकलन गरी १२ अर्ब आठ करोड २१ लाख पाँच हजार रुपैयाँ कर्जा प्रवाह गरेको थियो । उक्त अवधिमा १४ करोड ६२ लाख ४३ हजार रुपैयाँ खुद व्याज आम्दानी गरेको बैंकमा शुन्य दसमलव ९८ प्रतिसत कर्जा निष्क्रिय रहेको थियो ।
