काठमाडौ,१ मंसिर । काठमाडौ उपत्यकामा आज यस वर्षकै कम तापक्रम मापन गरिएको छ । मौसम पूर्वानुमान शाखाका अनुसार शनिवार बिहान काठमाडौंको तापक्रम ६ दशमलव २ डिग्री सेल्सियस मापन गरिएको हो। यसअघि २० कार्तिकमा तापक्रम घटेर ६ दशमलव ५ डिग्री सेल्सियस मापन गरिएको थियो त्यसपछि क्रमश तापक्रम बढेर न्यूनतम तापक्रम ९ डिग्री सेल्सियस पुगेको थियो। जुम्लाको तापक्रम भने माइनस २ दशमलव ५ डिग्री सेल्सियस पुगेको छ।
मौसम सफा भएकाले यो वर्ष सँधैभन्दा छिटै देशभरी कै न्यूनतम तापक्रम घटेको महाशाखाले जनाएको छ । राति मौसम सफा हुँदा जमीन चिसो हुने भएकाले तापक्रम घटेको हो । तत्काल पानी पर्ने संभावना भने नरहेको महाशाखाको भनाई छ । आज बिहान सुुर्योदय ६ बजेर २६ मिनेटमा भयो भने ५ बजेर ११ मिनेटमा सुर्यास्त हुनेछ।
