चर्चित हाँस्यकलाकार विल्सन बिक्रम राई ‘तक्मे बुढा’ले भुटानी शरणार्थी शिविर भित्रका ज्येष्ठ नागरिक र विद्यार्थीका लागि सहयोग गरेका छन् । उनले शरणार्थी शिविरबाट बाहिर कक्षा ९ र १० अध्ययन गर्न जाने विद्यार्थीका लागि शिविर व्यवस्थापन समिति मार्फत ५५ हजार ५ सय ५५ रुपैयाँ सहयोग गरेका छन् । यस्तै शिविर भित्र रहेका २ वटा ज्येष्ठ नागरिकको परिवारलाई जनही ५ हजारका दरले १० हजार रुपैयाँ सहयोग गरेका हुन् ।
‘शिविर भित्रको दुखका मैले पनि देखेका कारण केही सानो सहयोग गरेका हुँ,’ राहत वितरणपछि उनले भने, ‘शिविरमा आधा जिउ लुगा लगाएका बृद्धआमा बुबालाई सहयोग गर्न पाएको छु ।’ राईले बेलडागीँको सोह्र घरे भित्रका पूर्णबहादर लिम्बु र जंगबहादुर खड्कालाई सहयोग हस्तान्तरण गरेका थिए ।
उनीहरु शिविरमा एक्लै बस्दै आएका छन् । यस्तै शिविरका बालबालिकाको अध्ययनका लागि शिविर व्यवस्थापन समिति मार्फत सो नगद क्याम्प सचिव टिकाराम रसाइलीलाई हस्तान्तरण गरेका हुन् ।
पूर्वी नेपालबाट
