देबु बानियाँ
झापा । रामनगर जेसीज सुनवलको यो वर्षको जेसीज सप्ताह जारी रहेको छ । मंसिर ६ गतेबाट जगन्नाथ माविको प्राङगणमा योग शिविरबा सुरु भएको सप्ताहको तेस्रो दिन पनि विविध कार्यक्रम सम्पन्न भएका छन् । सप्ताहको उद्घाटन सुनवल नगरपालिकाका मेयर ददिराम अर्यालले गरेका थिए । शाखा अध्यक्ष भोजराज चापागाईको सभापतित्वमा सम्पन्न उद्घाटन कार्यक्रममा सुनवल नगरपालिका वडा नम्बर १२ का वडा अध्यक्ष यामलाल पाण्डेको सहभागिता रहेको थियो । दिउँसो सुनवलका विद्यासागर मावि, वसन्तपुर मावि, रामनगर एकाडेमी, वाक्वाणी माविमा गएर बाल संस्कार, आहार बिहार, विचार, संस्कार र जडीबुटी सम्बन्धि प्रशिक्षण दिइएको थियो । साँझ गायक हिरालाल कंडेलबाट सांगितिक भजनको आयोजना गरिएको थियो ।
शनिवार देश निर्माणका लागि पूर्ण जिम्मेवारी विषयमा तालिमको आयोजना गरिएको थियो । विदुर पौडेलले तालिमको सहजीकरण गरेका थिए ।
डोलराज भण्डारीले उद्घाटन गरेको तालिममा तालिममा ४० जना सहभागि रहेका शाखाकी महासचिव हिमा न्यौपानेले बताइन् । महासचिव न्यौपानेका अनुसार आइतवार विभिन्न सघ संस्थाका प्रतिनिधिलाई तालिम र सोमवार नवलपरासी सुस्ता पश्चिममा रहेका ७ वटै स्थानीय निकायमा एकै पटक जिम्मेवारीका साथ नेतृत्व विषयमा वक्तृत्वकला प्रतियोगिता, मंगलवार वृक्षारोपण र बुधवार प्रकरण सेमीनारसहित सप्ताहको समापन हुनेछ ।
