बेलबारी । चर्चित युवा कवि नवराज पराजुलीको शनिबार ( आज) दिउँसो २ बजे मोरङको बेलबारीमा हुने कविता कन्सर्टको तयारी पुरा भएको आयोजकले जनाएको छ ।
लेट्स ईन्टरटेन्मेन्टको आयोजनामा उनी लेट्स कविता कन्सर्ट मार्फत आज सुनिन लागेका हुन । रञ्जन गायकको लाईभ म्युजिक सहित उनलाई बेलबारीमा ल्याईएको आयोजक संस्था लेट्सका संस्थापक बिकास बुढाथोकीले जानकारी दिएका छन । उनलाई बेलबारीमा उर्तानका लागी बेलबारीका रंगकर्मी सोमनाथ खनाल,केदार दुलाल,केशव रुपाखेतप् लगायतका युवाहरु सक्रिय भएर जुटेका छन ।
बेलबारी १ मा रहेको मदनमोहन पुष्परत्न साँस्कृतिक भवनमा उनले आफना दर्जनौ कविता बाचन गर्नेछन । कविता सुन्नका लागी ५ सय र १ हजारको टिकट बिक्रि भएको छ । युवा पुस्तामा सर्बाधिक रुचाईएका पराजुलीका ४० बढी कविताहरु प्रकाशित छन । सगरमाथाको गहिराई नामक पुस्तकबाट चर्चा कमाएका उनका लोकसेवा,खोया,हयाप्पी बर्थ डे,ब्रम्हाजीको रजस्वला लगायतका कविता सर्बा्धिक रुचाईएका छन । उनले पद्यश्री पुुरुस्कार समेत प्राप्त गरिसकेका छन ।
