घोराही, । त्रिभुवन नगर जेसिजले आयोजना गरेको हाफ म्याराथुनमा काठमाडौँका रमेर मगराती प्रथम भएका हुनुभएको छ । मुगरातीले एक घण्टा १० मिनेट ४५ सेकेण्डमा २१ किलोमिटर पार गर्नुभएको थिया । जितसगै उहाँले २५ हजार नगद, प्रमाणपत्र, शिल्ड प्राप्त गर्नुभएको छ ।
यस्तै द्वितीय काठमाडौँका सुवास कार्की भएका छन् । उनले एक घण्टा १३ मिनेट ४५ सेकेण्ड दुरी पार गरेका थिए । उनले नगद २० हजार, शिल्ड र प्रमाण–पत्र प्राप्त गरेका छन् ।
काठमाडौँककै ओमप्रकाश जोशी तेस्रो हुनुभएको छ । उहाँले एक घण्टा १५ मिनेट ६ सेकेण्डमा तोकिएको दुरी पार गरेर ५ हजार नगद, शिल्ड र प्रमाण–पत्र प्राप्त गर्नुभएको थियो ।
यस्तै महिला तर्फ प्रहरी बोर्डिङकी सर्मिला घर्ती प्रथम हुनुभएको छ । उहाँले एक घण्टा ४२ मिनेट २६ सेकेण्डमा निर्धारि दुरी पार गरेर प्रथम पुरुस्कार नगद २५ हजार, शिल्ड र प्रमाण–पत्र प्राप्त गर्नुभएको छ । बिपना केसी द्धितीय हुनुभएको छ । स्यालुट गोर्खाकी केसीले एक घण्टा ४३ मिनेट १३ सेकेण्डमा निर्धारित दुरी पार गरि द्धितिय पुरस्कार २० हजार नगद, शिल्ड र प्रमाण–पत्र प्राप्त गनुभएको शाखा अध्यक्ष लालमणी भण्डारीले बताउनु भयो ।
लोट्स ट्रेनिङका देविका वलीले एक घण्टा ४५ मिनेट १२ सेकेण्डमा निर्धारित दुरी पार गरि ५ हजार नगद, शिल्ड र प्रमाण–पत्र प्राप्त गर्नुभएको छ ।
यस्तै बालबालिका तर्फ प्रथम सुनित चौधरी, सनम वली द्धितीय, क्षितिज चौधरी तृतीय भएका थिए । त्यसैगरी बालिका तर्फ अरुणीमा घर्ती मगर प्रथम, एलिना बुढा द्धितीय, मन्जिता अर्याल तृतीय भएका थिए ।
