पथरी / मोरङको पथरीशनिश्चरे–२, स्थित रत्नर्पाक दक्षिण क्षेत्रमा १४ करोडको लागतमा शीन भिलेज पार्टी प्यालेस रेष्टुरेण्ट एण्ड बार संचालनमा आएको छ ।
पथरीशनिश्चरेका १० जनाको लगानीमा पार्टी प्यालेस रेष्टुरेण्ट एण्ड बार संचालनमा ल्याएको हो । संचालकहरुले आइतबार पार्टी प्यालेसमा पत्रकार सम्मेलनको आयोजना गर्दै पार्टी प्यालेसको आगामी योजनाहरु बताएका थिए । लगातीकर्ताले गत भदौमा पार्टी प्यालेसको मात्र उद्घाटन गरी संचालनमा ल्याएको थियो । रेष्टुरेण्ट एण्ड बार सोमबार देखि शुक्रबार सम्म ५ दिन उद्घाटन हुने जनाएको छ ।
उद्घाटन कार्यक्रमको साँझमा गौरव दर्पण र सृष्टी हिङ्माङको लोकदोहोरीले भरपुर मनोरञ्जन दिने र एसियाकै होची महिला मुना घिमिरेको प्रस्तुती रहने लगानी कर्ताहरुले बताएका छन् । बारमा प्रत्येक शुक्रबार सांगितिक साँझ हुने भएको छ । सांगितिक साँझमा गजल साँझ, लोकदोहोरी साँझ लगायतमा स्थानीय तथा राष्ट्रिय स्तरका कलाकारहरुले मनोरञ्जन दिने तयारी गरेका छन् ।
१५ कट्ठा जग्गा खरिद गरी पार्टी प्यालेसको निर्माण २०७४ साल देखि नै गरेको थियो । प्यालेस सम्पन्न पछि त्यहाँका ५० जनाले दैनिक रोजगारी पाउने छन् । अहिले ८ करोड लगानी भैसकेको छ । अब ६ करोडमा तयारी पुरा हुने अध्यक्ष तिलक राईले बताए । अहिले ठूलो एउटा सभाहल, तीनवटा साना सान सभाहल रहेका छन् ।
