काठमाडौं – क्रिश्चियनले काठमाडौंमा आयोजना गरेको कार्यक्रममा सरकारी सहभागितालाई लिएर सर्वत्र विरोध भइरहेका बेला प्रधानमन्त्री केपी शर्मा ओलीले कार्यक्रममा एक करोड रुपैयाँ लिएका छन् ।
धर्मनिरपेक्ष राष्ट्रको सरकारले क्रिश्चियनको कार्यक्रममा प्रत्यक्ष सहभागिता जनाइरहेको रहश्य त्यतिले सार्वजनिक भयो, जतिबेला क्रिश्चियन संस्थाले प्रधानमन्त्री ओलीलाई एक करोड दिने घोषणा गर्यो ।
कार्यक्रम आयोजक युनिभर्सल पिस फाउन्डेसन (युपिएफ) ले प्रधानमन्त्री केपी शर्मा ओलीलाई नेतृत्व र सुशासन पुरस्कारसहित एक करोड रुपैयाँ प्रदान गरेको हो ।
आईतबार काठमाडौंमा सम्पन्न एशिया प्यासिफिक सम्मेलन– २०१८ को अवार्ड वितरण समारोहमा नेपालको लोकतन्त्र र सुशासनको नेतृत्व गरेको भन्दै प्रधानमन्त्रीलाई ‘लिडरसिप एण्ड गुड गभर्नेन्स अवार्ड’बाट पुरस्कृत गरिएको हो । पुरस्कारको राशि एक लाख डलर अर्थात् एक करोड नेपाली रुपैयाँ रहेको छ ।
क्रिश्चियनहरूले नेपालीलाई आर्थिक प्रलोभनमा पारेर धर्मान्तरण गरिरहेको र हिन्दू धर्ममाथि आक्रमण गरिरहेको चर्चा फैलिएका बेला क्रिश्चियन संस्थाले प्रधानमन्त्रीलाई नै खुलेआम पैसा बाँडेको छ । प्रधानमन्त्री ओलीले क्रिश्चियनले दिएको पैसा देशभर बाँड्ने घोषणा गरेका छन् । अब क्रिश्चियनको पैसासँगै सरकारी माध्यमबाट क्रिश्चियनको सिद्धान्त र धर्म देशभर फैलिने आशंका गरिएको छ ।
कार्यक्रममा प्रधानमन्त्रीले पुरस्कार सरकारको सम्मानमा दिएकाले नेपाली युवा र बालबालिकाका क्षेत्रमा खर्च गर्न सरकारी कोषमा दाखिला गर्ने घोषणा गरेका छन् । ‘यो नेपाली जनता र नेपाल सरकारलाई गरिएको सम्मान हो । यसबाट प्राप्त रकम सरकारी कोषमा दाखिला गरेर युवा तथा बालबालिकाका क्षेत्रमा काम गर्ने संस्थालाई अगाडि बढाउने मेरो सोच छ,’ उनले भने ।
प्रधानमन्त्री ओली अध्यक्ष रहेको नेपाल कम्युनिस्ट पार्टी (नेकपा) मा आवद्ध रहेका नेता एकनाथ ढकालले नेपालमा क्रिश्चियन धर्म फैलाउन विभिन्न कार्यक्रम गर्ने गरेका छन् । आयोजक चर्चकी प्रमुखले काठमाडौंको कार्यक्रममै नेपाललाई क्रिश्चियन राष्ट्र बनाउन सुझाव दिएकी छन् भने त्यसपछि प्रधानमन्त्रीलाई एक करोड रुपैयाँ पनि दिएकी छन् ।
क्रिश्चियनबाट पैसा पाएका प्रधानमन्त्री ओलीले उनीहरूका लागि के गर्छन् ? हेर्न बाँकी छ ।
