काठमाडौं ।
किरात राई विद्यार्थी संघको ९ औं राष्ट्रिय सम्मेलन आगामी बैशाखमा माझ किरात खोटाङको जिल्ला सदरमुकाम दिक्तेलमा हुने भएको छ । संघको मंसिर १६ र १६ गते केन्द्रीय कार्यालय कठमाडौं स्थित कोटेश्वरमा राष्ट्रिय परिषदको विस्तारित बैठक भएको थियो । बैठकले बैशाख २६, २७ र २८ गते दिक्तेलमा सम्मेलन गर्ने निर्णय भएको संघको अध्यक्ष बिर्सिका राईले बताए ।
बैठकले अध्यक्ष बिर्सिका राईले संयोजकत्वमा मूल आयोजक समिति, उपाध्यक्ष जितेन राईको संयोजकत्वमा आर्थिक, अर्का उपाध्यक्ष रामचन्द्र राईको संयोजकत्वमा मूल व्यवस्थापन, प्रचारप्रचार लगायतको १३ वटा उपसमिति गठन भएको संगठनले बताएको छ । बैठकले प्रदेश नम्बर १ लाई किरात प्रदेश नामकरण गराउन ‘धरानदेखि विराटनगर’सम्म मार्चपास, धर्ना, सम्मेलनको माहोल बढाउने क्रममा गाउँ गाउँमा किरात पहिचान सम्बन्धी जनचेतना फैलाउन लागि पर्ने समेत निर्णय भएको संगठनले जनाएको छ । बैठकको उद्घाटन नेपाल कमर्स क्याम्पस नयाँ वानेश्वरमा भएको थियो ।
उद्घाटन कार्यक्रममा पूर्व मन्त्री तथा यायोक्खा संस्थापक सदस्य गोपाल किराती, किरात राई यायोक्खा केन्द्रीय कार्यवाहक अध्यक्ष दिवस राई, संघको पूर्व अध्यक्षहरु भोगिजार राई, अर्जुन जम्नेली राई लगायतको उपस्थितिमा भएको थियो । दुई दिनसम्म चलेको बैठकले २०७५ बैशाख २६—२८ गते दिक्तेलमा ९ औं राष्ट्रिय सम्मेलन गर्ने निर्णय गरेको हो ।
संघको ८ औं राष्ट्रिय सम्मेलन २०७३ मंसिरमा भएको थियो । किरात राई विद्यार्थी संघले प्रदेश नम्बर १ को नाम भूमि, सभ्यता र इतिहासको आधारमा किरात रहनुपर्ने माग गर्दै विभिन्न अभियानहरु संचालन गर्दे आएको छ । विभिन्न चर्चहरुले किरात राई समुदायको साझा संस्थामा अनुमति विन चाम्लिङ र थुलुङ्ग भाषामा बाइबल छापेर विक्री गरेकोप्रति आपत्ति जनाएको छ । किरात राई विद्यार्थी संघ किरात राई समुदायको साझा संस्था किरात राई यायोक्खाको प्रमुख भातृ संगठन हो ।
