काठमाडौं – सत्तारुढ नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालसँग आफ्नै पार्टीका ठूला नेताहरू रिसाएका छन् । पार्टी र पार्टीका नेताहरूलाई फसाउने गरेर नेता नेपालले गतिविधि गरेपछि नेकपाका नेताहरू नेपालसँग रिसाएका हुन् ।
स्रोतका अनुसार नेता नेपाललाई नेकपाका प्रवक्ता नारायणकाजी श्रेष्ठले अनुहार हेर्न पनि चाहेकौ छैनन् । नेपालका कारण नेकपाका नेताहरू अहिले रुष्ट बनेका छन् । काठमाडौंमा सम्पन्न एशिया प्यासिफिक समिटलाई लिएर नेता नेपाल विवादमा परेका छन् ।
नेपालले विवादस्पद भूमिका निर्वाह गरेको र क्रिश्चियन धर्म विशेषलाई प्रचार गरेको भनेर चौतर्फी विरोध र आलोचना भैरहेको छ । प्रवक्ता श्रेष्ठले नेता नेपालका गतिविधिलाई रुचाएका छैनन् ।
समिटमा सरकारलाई सहभागी गराएर नेता नेपालले फसाएको भन्दै श्रेष्ठले आक्रोश पोखेका छन् । उनले तत्काल विशेष बैठक बोलाएर यसबारेमा छानबिन हुनुपर्ने पनि माग गरेका छन् । नेता नेपालले क्रिश्चियन धर्म प्रचारका लागि भूमिका खेलेको आरोप छ । नेता नेपालको सम्पत्ति र उनको को–कोसँग कनेक्सन छ भनेर छानविनको माग नेकपाभित्र उठेको छ ।
