झापा । सौराह जेसीज र सौराह महिला जेसीजको वर्ष २०१८ को जेसीज सप्ताह सम्पन्न भएको छ ।
गएको शनिवार सौराह जेसीजका संस्थापक अध्यक्ष सरद श्रेष्ठले उद्घाटन गर्नु भएको सप्ताह ४ दिन विभिन्न कार्यक्रको आयोजना गरी सम्पन्न भएको हो । उद्घाटनको अवसरमा नेपाल जेसीजकी कार्यकारीणी उपाध्यक्ष रश्मि शिल्पकारले एमसि सम्बन्धि तालिम समेत प्रदान गर्नु भएको थियो । साथै साँझ एड्स दिवसको अवसरमा दीप प्रज्जवलन समेत गरिएको थियो ।
सप्ताहको दोस्रो दिन गैडाँ चोक र हात्ती चोकमा ट्राफिक नियम सम्बन्धि सचेतनामुलक कार्यक्रम गरी जेब्रा क्रस समेत निर्माण गरिएको थिए । स्थानीय ट्राफिक प्रहरीको सहयोगमा उक्त जेब्रा क्रस निर्माण गरिएको थियो । यसैगरी तेस्रो दिन अपाङ्ग दिवसको अवसरमा स्थानीय चितवनमा रहेका फरक क्षमता भएका दृष्टिबिहिन बालबालिकालाई खाना खुवाएर आपाङ्गता दिवस मनाइएको सौराह महिला जेसीजकी अध्यक्ष सुजता विष्टले बताउनु भयो ।
चौथो दिन सौराहको हात्ती चोकदेखि बाघ चोकसम्मको क्षेत्रमा दुबै आयोजक शाखाका सदस्यहरुको सहभागितामा नगर सरसफाइको आयोजना गरी जेसीज सप्ताह सम्पन्न गरेको सौराह जेसीजका अध्यक्ष हरि दाहालले बताउनु भयो ।
