देबु बानियाँ
झापा । सुर्खेत महिला जेसीजको अध्यक्षमा लक्ष्मी कार्की प्रधान (सिया) निर्वाचित भएकी छन् ।
शनिवार सम्पन्न शाखाको आठौ बार्षिक साधारणसभाले कार्कीलाई निर्बिरोध अध्यक्षमा निर्वाचित गरेको हो । वर्ष २०१८ की महासचिव कार्की २०१५ मा सदस्य, २०१६ मा उपाध्यक्ष र २०१७ मा कार्यकारीणी उपाध्यक्ष पदमा रहेर शाखाको जिम्मेवारी बहन गरिसकेकी अनुभवी व्यक्ति हुन् ।
शाखाको कार्यकारिणी उपाध्यक्ष प्रमी शाक्य र रश्मी शाक्य सर्वसम्वत चयन भएका छन् । उपाध्यक्ष लक्ष्मी गुरुङ , पबित्रा गुरुङ , कृष्णा शाही र सुबेक्षा श्रेष्ठ चयन भएका शाखा अध्यक्ष कृति गुभाजु शाक्यले बताइन् ।
अध्यक्ष गुभाजुका अनुसार महासचिव, कोषाध्यक्ष, कानुनी सल्लाहकारसहित बाँकी पदहरु पद हस्तान्तरण कार्यक्रममा मनोनित गरिनेछ । पुर्ब अध्यक्ष ज्योती कार्की पौडेलको प्रमुख आथित्यता एवम शाखा अध्यक्ष कृति गुभाजु शाक्यको सभापतित्वमा सम्पन्न अधिवेशनमा विशिष्ट आतिथी पुर्ब अध्यक्ष सुस्मा गिरि र पुर्ब अध्यक्ष प्रतिमा मल्ल रहेका थिए ।
यसैगरी, कोहलपुर जेसीजको अध्यक्षमा संगिता सुवेदी निर्वाचित भएकी छिन् । शनिवार सम्पन्न शाखाको ११ औँ शाखा अधिवेशनले सुवेदीलाई अध्यक्षमा सर्वसम्वत चयन गरेको हो । कोहोलपुर जेसीजको ११ वर्षको इतिहासमा पहिलो महिला अध्यक्ष समेत बन्ने सौभाग्य प्राप्त गरेकी सुवेदी वर्ष २०१८ की कार्यकारीणी उपाध्यक्ष हुन् । कुशल महिला व्यवसायी सुवेदी विभिन्न सामाजिक संघ संस्थामा आबद्ध छिन् भने यस क्षेत्रकी सक्रिय समाजसेवी समेत हुन् ।
यसैगरी शाखाको कार्यकारीणी उपाध्यक्षमा धुव्र आचार्य र रामप्रसाद पाण्डे चयन भएका छन । उपाध्यक्षहरुमा दिपेन्द्र केसी, अञ्जु शर्मा, राकेश विष्ट र राजकुमार पौडेल सर्वसम्वत चयन भएका निर्वाचन आयुक्त एव्म निवर्तमान अध्यक्ष प्रकाश लामिछानेले बताए । बाँकी रहेको महासचिव, कोषाध्यक्ष, कानुनी सल्लाहकालगायतका पदहरु पद हस्तान्तरण कार्यक्रममा मनोनित गरिने शाखाका वर्ष २०१८ का अध्यक्ष बुद्धि थापा मगरले बताए । 
