चन्द्रगढी । नेपाल जेसीजका राष्ट्रिय अध्यक्ष सिनेटर श्रीधर बस्याल २९ गते शनिवार झापा आउने हुनु भएको छ ।
भद्रपुर जेसीजले निर्माण गरेको नवनिर्मित भवनको उद्घाटन गर्नका लागि अध्यक्ष बस्याल झापा आउने कार्यक्रम तय भएको हो । बस्याल शुक्रवार नै भद्रपुर आउनु हुने र शनिवार बिहान ८ बजे भद्रपुर जेसीजले निर्माण गरेको भवनको उद्घाटन गर्ने कार्यक्रम तयार भएको भद्रपुर जेसीजका अध्यक्ष सोमप्रसाद ढुङ्गेलले बताउनु भयो । 
सन २०१६ मा पूर्व गृहमन्त्री कृष्णप्रसाद सिटौलाले उक्त भवनको सिल्यान्यासु गर्नु भएको थियो ।
एक तलको उक्त भवन निर्माणका लागि अहिलेसम्म १८ लाख ७० हजार खर्च भएको निर्माण समितिका संयोजक रमेश पोखरेलले बताए । जसमा २ वर्ष अघि संसदीय विकास कोषबाट १० लाख प्राप्त भएको थियो भने २ वर्षको अवधीमा विभिन्न दाताहरुबाट ८ लाख ७० हजार रकम संकलन भएको भद्रपुर जेसीजका पूर्व अध्यक्ष समेत रहेका संयोजक पोखरेलले बताए ।
अघिल्लो वर्ष छत ढलान गरिएको उक्त भवनमा एउटा हल, २ वटा शौचालय रहने छ भने आगामी वर्षमा माथिल्लो तला थप गरि सचिवालयको कार्यलय निर्माण गरिने शाखा अध्यक्ष सोमप्रसाद ढुङ्गेलले बताए ।
