मेचिनगर । झापाको मेचिनगरमा जारी आदर्श नकआउट फुटबल प्रतियोगिता–२०७५ को सोमबारको खेलमा विर्तामोड युनाईटेड विर्तामोडले आयोजक आदर्श धिमाल समाजलाई ट्राइब्रेकरमा ४–१ गोल अन्तरले पराजित गरेको छ ।
मेची विद्योदय प्रा।वि को खेल मैदानमा आयोजना भएको सोमबारको खेलमा न्यु विर्तामोड युनाईटेड विर्तामोडले आयोजक आदर्श धिमाल समाजलाई ४–१ को जित दर्ता ग¥यो । दर्शकको भरपुर समर्थन पाएको आयोजक माथी विर्तामोड युनाइटेडले प्रतिस्पर्धात्मक खेल प्रस्तुत गरेको थियो ।
निकै रोमान्चक तथा प्रतिस्पर्धात्मक खेल प्रस्तुत गर्दै दुबै टिमले दर्शकलाई भरपुर मनोरञ्जन प्रदान गरेका थिए । दुबै टिमले विभिन्न समयमा पाएको अवसरलाई सदुपयोग गर्न सकेका थिएनन् । दुबै टिमका गोल किपरले उत्कृष्ट बचाउ गरेका थिए । निर्धारीत समयमा दुबै टिमल गोल गर्न नसके पछि खेल ट्राइब्रेकरमा गएको थियो । जसले गर्दा विर्तामोड युनाईटेड विर्तामोडले आयोजक आदर्श धिमाल समाजलाई ट्राइब्रेकरमा ४–१ गोल अन्तरले पराजित गर्न सफल भयो ।
खेलमा उत्कृष्ट प्रदर्शन गर्ने विर्तामोड युनाईटेड विर्तामोडका गोल किपर अनुकरण श्रेष्ठ म्यान अफ द म्याच घोषित भए । उनले नगद एक हजार र ट्रफी प्राप्त गरे ।
प्रतियोगितामा बिजेता टिमले नगद पचास हजार सहित ट्रफि, मेडल र प्रमाण पत्र प्राप्त गर्ने छ, । उपबिजेताले नगद तीस हजार सहित ट्रफि, मेडल र प्रमाण पत्र प्राप्त गर्ने छ । मंसिर २८ गते हुने फाईनल खेल न्यु स्टार क्लब खोपबाडी र विर्तामोड युनाईटेड विर्तामोड बिच दिनको ३ बजे हुने आयोजकका सन्तोस धिमालले बताए ।
