बाहुनडाँगी । वालिङ जेसीजको अध्यक्षमा राजु तिवारी निर्वाचित भएका छन् ।
शाखाको १८ औँ साधारण सभा एवम् १५ औँ शाखा अधिवेशनले तिवारीलाई अध्यक्षमा सर्वसम्वत चयन गरेको हो । शाखाको कार्यकारीणी उपाध्यक्षमा सूर्य रानाभाट र दुर्गा न्यौपाने, उपाध्यक्षहरुमा हिरन डोटेल, अशोक तिवारी, सन्दिप कडेँल र सुदिप अर्याल निर्वाचित भएका शाखा अध्यक्ष यामप्रसाद अधिकारीले बताउनु भयो । निर्वाचनका लागि पूर्व अध्यक्ष भीम पंगेनी निर्वाचन आयुक्त रहनु भएको थियो ।
कृष्णनगर जेसीजको वर्ष २०१९ को अध्यक्षमा कृष्ण सापकोटा निर्वाचित भएका छन् । शुुक्रवार सम्पन्न शाखाको १८ औँ शाखा अधिवेशनले उनलाई अध्यक्षमा सर्वसम्वत चयन गरेको हो । शाखाको कार्यकारीणी उपाध्यक्षमा युवराज अधिकारी र विशाल कोइराला, उपाध्यक्षमा सागर सुवेदी, प्रकाश ढुङ्गाना, प्रविन पोखरेल र कुशल पौडेल चयन भएका निर्वाचन आयुक्त गोविन्द आचार्यले बताए । बाँकी रहेका पदहरुमा पद हस्तान्तरण कार्यक्रममा मनोनित गरिने शाखा अध्यक्ष नारायण पौडेलले बताउनु भयो । 
