बाहुनडाँगी । नेपाल जेसीज बर्ष २०१८ को अन्तिम तालिमको रुपमा क्षेत्र “घ“ अन्त्रगतको राष्ट्रिय तालिम सप्ताह– २०१८ सम्पन्न भएको छ । अत्तरिया जेसीजमबाट उद्घाटन भएको तालिम सप्ताह पाल्पामा पुगेर समापन भएको थियो ।
नेपाल जेसीजको आयोजनामा यो वर्ष ४ वटै क्षेत्रमा साप्ताहि तालिम सञ्चालन गरिएको थियो । युवाहरुलाई थप व्यक्तित्व र नेतृत्वसहित थप उत्साह ल्याउनका लागि तालिमको आयोजना गरिएको हो । यस अघि ३ वटा क्षेत्रमा तालिम सम्पन्न भइसकेका थिए ।
क्षेत्र ‘घ’ अन्तरगत अत्तरिया जेसीज, अछाम जेसीज, बीरेन्द्रनगर जेसीज, सुर्खेत महिला जेसीज , सम्भावित भेरिगंगा जेसीज, बीरेन्द्रनगर जुनियर जेसीज, लम्कि जेसीज र पाल्पा जेसीजको आतिथ्यतामा उक्त तालिम सप्ताह सम्पन्न भएको नेपाल जेसीजका राष्ट्रिय तालिम आयुक्त अनिलबहादुर शाहीले बताउनु भयो ।
विभिन्न तालिममा सहभागिहरुलाई प्रमुख प्रशिक्षकका रुपमा रहेर रमेश अर्याल, दिनेश खड्का, प्रदिप विष्ट, मुक्तिनाथ गैरेले प्रशिक्षण गराउनु भएको थियो । तालिमको अवधीभर यस क्षेत्रका निरुपित राष्ट्रिय कार्यकारीणी उपाध्यक्ष अशोक शंकर, राष्ट्रिय उपाध्यक्ष सिनेटर विजय गुरुङ, राष्ट्रिय उपाध्यक्ष रञ्जना चापागाई खर्वुजा, तालिम आयुक्त अनिलबहादुर शाही, क्षेत्र घ तालिम संयोजक मुक्तिनाथ गैरेले अनुगमन तथा थप हौषला दिनु भएको थियो ।
