बाहुनडाँगी । गोर्खा जेसीजको वर्ष २०१९ का लागि राजिव अधिकारी चयन भएका छन् । शाखाको कार्यकारीणी उपाध्यक्षमा सुभाष मल्ल र रुबेन्द्र कुँवर, उपाध्यक्षहरुमा मोहसिन अलिमिया, पुष्कर गुरुङ, प्रदिप कुँवर, रमेश कुमार श्रेष्ठ, सहसचिवमा शिवहरि तिमिल्सिना चयन भएका छन् । बाँकी पद भने पदहस्तान्तरण कार्यक्रममा मनोनित गरिने शाखा अध्यक्ष उमेश गुरुङले बताए ।
यसैगरी, शुक्लागण्डकी जेसिजको १६औँ अधिवेशनबाट अध्यक्षमा मनिष श्रेष्ठ सर्वसम्वत् चयन भएका छन् । सोमबार दुलेगौँडामा आयोजित १७ औँ बार्षिक साधारण सभा तथा १६ औँ अधिवेशनले कार्यकारी उपाध्यक्षमा रमेश बहादुर भुजेल र कृष्ण बहादुर श्रेष्ठ ,अध्यक्ष सल्लाहकारमा मदन श्रेष्ठ ,कानुनी सल्लाहकारमा क्षितिज थापालाई चयन गरेको छ ।
त्यस्तै महासचिवमा शिव वि.क, सह सचिवमा शिव रेग्मी ,कोषाध्यक्ष ईश्वर कुमार श्रेष्ठ ,सहकोषाध्यक्षमा सञ्जिव श्रेष्ठ चयन भएका छन् । २१ सदस्यीय रहने समितिमा अन्य सदस्यहरु भने अर्काे बैठकले मनोनित गर्ने शाखा अध्यक्ष दुर्गा प्रसाद सिग्देलले बताए । 
