काँकरभिट्टा । बुधवार विहान साढे ९ बजेबाट बेपत्ता भएका नेकपाका नेता दीपक भण्डारी अहिलेसम्म सम्र्कमा आउन सकेका छैनन् । घरबाट बिहान केही नभनी निस्केका नेकपा एमालेका पूर्व नगर अध्यक्ष समेत रहेका भण्डारी कहाँ गए भन्ने कुनै पत्ता लागेको छैन । बुधवार बिहानदेखि सम्पर्कबिहीन भएको सूचना पाएपछि प्रहरीले चारैतिर खोजी तीब्र पारेको थियो । बिहिवार काँकडभिट्टा नाका हुँदै भारततिर गएको प्रहरीले जनाएको छ ।
भण्डारी सीमावर्ती क्षेत्रको सीसी क्यामेराको भिडियो र केही स्थानीयसँगको भेटका आधारमा भण्डारी भारततिर गएको देखिएको प्रहरीको स्रोतले जनाएको छ । त्यसपछि भारतमा भएका आफन्त र जान सक्ने स्थानहरुमा खोजी कार्यलाई तीब्र बनाइएको प्रहरीले बताएको छ ।
भण्डारी मेचीनगर–१० स्थित आफ्नै घर नजिकबाट बुधबार बिहान साढे ९ बजेदेखि सम्पर्क्विहीन भएका थिए । नेता भण्डारीले आफ्नोे मोटरसाइकल र दुई थान मोबाइल घरमै छाडेर गएका छन् ।
उनी सम्पर्कबिहिन बनेपछि उनको विषयलाई लिएर मेचीनगरका विभिन्न राजनीतिक दलका नेता, स्थानीय, छरछिमेक, सञ्चारकर्मी, व्यवसायीहरु उनको घरमा बाक्लो रुपमा सहभागि भएर परिवारलाई सान्तवना दिइरहेका छन् । उनी सम्पर्कबिहिन भएसँगै मेचीनगरबासी चिन्तित र त्रासमा छन् ।
