बाहुनडाँगी । परिवर्तन थिएटरकी अध्यक्ष तथा नाट्यकर्मी कविता नेपाल पोर्तेललाई सुसेली साहित्यिक परिवार झापाले यस वर्षको बेदकुमारी रेग्मी कर्मठ महिला पुरस्कार प्रदान गर्ने भएको छ ।
विगत १० वर्षदेखि नाट्य क्षेत्रमा सक्रयाशील कविताले मेचीनगरमा परिवर्तन थिएटर स्थापना गरी देशभर चिनाउन सफल भएको भन्दै साहित्य परिवारले उक्त पुरस्कार दिने घोषणा गरेको हो ।
अभिनय क्षेत्रमा पनि उत्तिक अब्बल कविता निर्देशन तथा नाटक लेखनमा पनि पोख्त छिन् । साहित्य समाजको पुष २१ गते हुने विशेष कार्यक्रममा नगद ११ हजार राशीसहित पुरस्कृत गर्न लागिएको परिवारका अध्यष पुण्यप्रसाद खरेलले बताए ।
