काठमाडौँ । नेपाली काँग्रेसको महासमितिको बैठक गत मंसिर २९ गतेदेखि चलिरहेको छ ।
पार्टी पदाधिकारी र निर्वाचन पद्धतिबारे लामो समयदेखिको विवाद टुङ्गो लागेको छ । विधान मस्यौदा ल्याउन ढिलाई हुँदा महासमिति बैठक तनावपूर्ण बनेको थियो ।
विधान मस्यौदा पेस नभएको भन्दै काँग्रेसका जिल्ला सभापतिहरुले गत पुस ३ गतेको बैठक अवरुद्ध पारेका थिए । सभापति शेरबहादुर देउवाले बैठक शुरु गर्नासाथ जिल्ला सभापतिहरुले होहल्ला गरे । होहल्लाका बीच नै देउवाले बैठक स्थगित गरे ।
बैठक स्थगतपछि नुवाकोट काँग्रेसका जिल्ला सभापति जगदीशनरसिंह के.सी.ले बोल्न खोज्दा सहमहामन्त्री प्रकाशशरण महतले माइक खोसे । खोसाखोसमा माइक फुट्यो र बैठक हल तनावपूर्ण बन्न पुगेको थियो ।
नुवाकोटा काँग्रेसमा के.सी. र महत परिवारबीच पानी बाराबारको अवस्था रहँदै आएको जानकारहरुले बताएका छन् । के.सी. र महतको राजनीति जिल्लामा एकले अर्कोलाई सिध्याउनेमा केन्द्रित रहेको बताइन्छ । पछिल्लो समय महत देउवा गुटको आशीर्वादबाट केन्द्रीय राजनीतिमा छन् ।
काँग्रेसको राजनीति गरेका महतले महासमिति बैठकको हलमा के.सी.को माइक खोस्न उद्यत हुनुलाई दादागिरिको संज्ञा दिएको छ ।
नेताहरुको व्यवहार नै अशाभनीय रहे पछि काँग्रेस कसरी सुध्रेला भन्दै महासमिति सदस्यहरु मुखामुख गरिरहेका थिए । नयाँ विर्मशमा उल्लेख छ ।
