काँकड्भिट्टा । मेचीनगर–६ काँकड्भिट्टा स्थित साठी बिघा (भानुटोल) भन्ने ठाउँमा बिहिवार राती भएको आगलागी नियन्त्रणमा आएको छ ।
राति करिब ८ बजे छविलाल लिम्बुको घरबाट सल्किएको आगो करिब एक घण्टा पछि नियन्त्रणमा आएको इलाका प्रहरी कार्यालय काँकडभिटाका डिएसपी महेश थापाले बताए । भानुटोलको जनआवाज टोल बिकास संस्था क्षेत्रमा भएको आगलागीबाट २४ वटा घर जलेर नष्ट भएकाृे स्थानिय पुरकार कार्कीले बताए ।
आगो नियन्त्रणका लागि मेचीनगर, बिर्तामोड, चन्द्रगढी नगरपालिकाको दमकल, सुरक्षाकर्मी तथा स्थानीयवासी मिलेर जुटेको प्रहरीले जनाएको छ । आगलागिका कारण ५ वटा बढी ग्यास सिलिन्डर पड्किँएको प्रत्यक्ष दर्शीले बताए ।
अगालागीबाट मानवीय क्षति भने भएको छैन। उक्त क्षेत्र काँकडभिट्टा बजारको बधशालाक्षेत्र हो। फुसका घरहरु भएकाले आगो छिट्टो फैलिएको अनुमान स्थानियको छ । आगलागीबाट ३ करोड बढीको क्षती भएको स्थानियको अनुमान छ ।
