काठमाडौ,१४ पुस । आज बिहान ६ बजे काठमाडौ उपत्यकाको न्यूनतम् तापक्रम १.६ डिग्री सेल्सियस मापन गरिएको छ । जल तथा मौसम पूर्वानुमान महाशाखाले दिएको जानकारी अनुसार काठमाडौ उपत्यकाको आजको अधिकत्म तापक्रम १४ देखि १६ डिग्री सेल्सियसको बीचमा रहने अनुमान छ ।
महाशाखाले बिहानीपख केही स्थानमा बाक्लो हुस्सु तथा कुहिरो लागे पनि काठमाडौ उपत्यकासहित मुलुकभर आजको मौसम सामान्यतया सफा रहने जनाएको छ । मुलुकका केहि स्थानमा विहान बाक्लो हुस्सु तथा कुहिरो लागेपनि बिस्तारै हट्दै जाने र दिउँसो भने घाम लाग्ने महाशाखाले जनाएको छ ।
काठमाडौ उपत्यकामा शुक्रबार यस वर्षकै सबैभन्दा कम १.४ डिग्री सेल्सियस न्यूनतम तापक्रम मापन गरिएको थियो । काठमाडौ उपत्यकामा दिउँसो घाम लाग्ने गरेपनि बिहान र बेलुका निकै चिसो भईरहेको छ ।
महाशाखाले यो वर्ष काठमाडौ उपत्यकाको न्यूनतम तापक्रम अझै घटेर माइनसमै झर्ने सम्भावना रहेपनि ठोकुवा भने गर्न नसकिने जनाएको छ ।
