काँकरभिट्टा । १२ गते राती आगलाी भएको मेचीनगर ६ काँकरभिट्टाका आगलागी पीडितलाई मेचीनगर नगरपालिकाले शनिवार आर्थिक सहयोग गरेको छ । नगरपालिकाका मेयर विमल आचार्य, उपमेयर मिना उप्रेती, विभिन्न वडाका वडा अध्यक्ष तथा वडा सदस्यहरु आगलागी क्षेत्र साठी विगाहमा पुगेर प्रति परिवार १० हजारका दरले राहत रकम हस्तान्तरण गरेका हुन् । रकम हस्तान्तरण कार्यक्रममा वडा नम्बर ६ का वडा अध्यक्ष ललित तामाङ, वडा नम्बर ५ का वडा अध्यक्ष योगेन थापा, वडा नम्बर ४ का वडा अध्यक्ष नविन बराल, वडा सदस्य राजकुमार श्रेष्ठ, देवी सुवेदी, कांग्रेसका जिल्ला उपसभापति राम कट्टेल लगायतको सहभागितामा रकम हस्तान्तरण गरिएको हो । १६ घर परिवारलाई जनही १० हजार र अन्य आंसिक क्षति भएका परिवारलाई जनही ५ हजारका दरले रकम हस्तान्तरण गरिएको थियो ।
आगलागीबाट नविन राई, मणीप्रसाद गुरूङ्ग, भुपाल तामाङ्ग, केसर लिम्वु, गोले साईला, सविना राजवंशी लगायतको आगलागीबाट घर पूर्ण रुपमा क्षति भएको छ । यस भन्दा अघि नेकपा मेचीनगर, रेडक्रस सोसाइटी झापा, काँकरभिट्टा बहुमुखी क्याम्पसका विद्यार्थीहरुलगायत विभिन्न संघ संस्थाले आर्थिक सहयोग गरेका छन् । अन्य सहयोगहरु पनि जुट्ने क्रम जारी छ ।
