देबु बानियाँ
धुलावारी । होलीबेल आवसीय अंग्रेजी उच्च मावि धुलावारी मेचीनगर स्तरीय अन्तर मावि नृत्य प्रतियोगिताको च्याम्पियन बनेको छ ।
शनिवार काँकरभिट्टा क्याम्पसको २० औँ वार्षिकोत्सवको अवसरमा आयोजित अन्तर मावि लोक नृत्य प्रतियोगितामा ७ वटा माविलाई पछि पार्दै होलीबेलले प्रतियोगिताको उपाधी चुमेको हो ।
शैक्षिक गुणस्तरसँगै अतिरिक्त क्रियाकलापमा समेत अब्बल मेचीनगरको यो विदालय हरेक क्षेत्रमा अब्बल मानिन्छ । प्याव्सन मेचीनगरले आयोजना गरेको नगरस्तरीय नृत्य प्रतियोगितामा समेत ह्याट्रिक गरेको छ यो वर्ष होलिबेलले । लोक संस्कृतिमा आधारित नृत्यको उपाधिसँगै ट्रफी र प्रमाणपत्र पाएको छ । यो उपाधी पाएपछि विद्यालयका संस्थापक प्रिन्सिपल अणु प्रधानले विद्यार्थीको मेहेनत र लगनशिलताले पाएको उपलब्धीमा सबैलाई बधाई दिए । उनले शैक्षिक गुणस्तरसहित हरेक गतिविधिमा विद्यालय सधैँ अब्बल स्थानमा रहने समेत बताए । प्रतियोगितामा इष्ट होराइजन दोस्रो र नथै प्वाइन्ट तेस्रो भएका थिए । 
