बाहुनडाँगी, २३ पुस । क्रिकेट खेलको विकास गर्ने उदेश्यका साथ मेचीनगर–४ बाहुनडाँगीमा ३ दिवसीय मैत्रीपूर्ण क्रिकेट प्रतियोगिता सोमबारबाट सुरु भएको छ । प्रदेश नम्बर १ बाट छनोट भएको प्रदेशस्तरीय टिमको खेललाई अझ बलियो बनाउने लक्ष्यका साथ आएको प्रदेश नम्बर १ को टिमसँग बाहुनडाँगी युवा क्लबको टिमले मैत्रीपूर्ण क्रिकेट खेलेको हो । प्रतियोगितामा प्रदेशको टिमले ४ विकेटले जितेको थियो ।
टस जितेर व्याटिङ रोजेको बाहुनडाँगीले ९५ रनको लक्ष्य तय गरेको थियो । उक्त लक्ष्यलाई पछ्याउँदै जबाफी मैदानमा आएको प्रदेशको टिमले १७ दशमलव ४ ओभरमा ६ विकेटको क्षतीमा लक्ष्य पुरा गरेको कञ्चन उप्रेतीले बताए ।
प्रतियोगिता खेल्नका लागि प्रदेश टिमबाट राष्ट्रिय खेलाडी सिद्धान्त लोहनी पीपीएल खेलाडीहरु मिनेश थापा, दिपेश कडेँल र लब कमत समेत सहभागि भएका युवा व्यवसायी प्रविण भण्डारीले बताए । प्रतियोगिताको अम्पायरका रुपमा सचिन सुब्बा र पुष्कर ढकाल रहेका थिए ।
खेलको आयोजना बाहुनडाँगी युवा क्लबले गरेको हो । प्रतियोगिताको उद्घाटन मेचीनगर नगरपालिका वडा नम्बर ४ का वडा अध्यक्ष नबिन बराल र क्लबका अध्यक्ष पोषककुमार दर्जीले सयुक्त रुपमा गरेका थिए । प्रतियोगिताको उद्घाटन गर्दै वडा अध्यक्ष बरालले क्रिकेट खेलको विकासका लागि नगरपालिकाले पूर्ण सहयोग गरेर आगामी दिन थप खेलहरु गर्दै जाने बताए । 
