कुमार खड्का पौष २४,पथरी ।
मोरङको लेटाङ बुधवारेमा जारी प्रथम बुधवारे गोल्ड कपमा धरानले ईतिहास रच्न सफल भएको छ ।
पौष १७ गते देखी जारी प्रतियोगिताको आज (मंगलवार) को फाईनल खेलमा डाँगीहाट फुटवल क्लवलाई १–२ गोल अन्तरले पाखा लगाउदै धरान फुटवल क्लवले उपाधि कव्जा गरेको हो ।
निर्धारित ७० मिनेटको खेलमा धरानले खेलको पहिलो हाफको १७ औ मिनेटमा धरानका विटु तामाङले १ गोल गर्दै आफ्नो टिमलाई अग्रता दिलाएका थिए भने खेलको दोस्रो हाफको २५ औ मिनेटमा धरानकै मिलन राईले बर्तमान राईको सट पासलाई सदुपयोग गर्दै प्रहार गरेको बल गोलमा परिणत हुदा धरानले २–० को अग्रता बनाएको थियो ।
भने डागिहाटका तर्फवाट १ मात्र सान्तवना गोल दोस्रो हाफको ३१ औ मिनेटमा निरज वस्नेतले फर्काएका थिए ।
पहिलो हाफको १२ औ मिनेटमा डागीहाटका टिम क्यपटेन अरुण लिम्वुले १ भर्सेस १ को अवस्थामा धरानका गोल किपरलाई विट गर्न नसक्दा डागिहाट पहिलो हाफमै वरावरी गोल गर्न बाट चुकेको थियो ।
खेल अवधी भर धरानलाई दवावमा राखेता पनि उतकृष्ट फिनिसिङ गर्न नसक्दा डागिहाट उपाधि कव्जा गर्दै ईतिहास रच्न बाट चुक्दा उसले दोस्रो पुरस्कार ५१ हजार मा चित बुझाउन बाध्य बन्यो ।
यता धरानले खेल अवधिमा पाएका अवसरहरुलाई उतकृष्ट ढगले सदुपयोग गर्दा धरानले १ लाख १ हजार रासिको प्रथम उपाधि हात पार्दै प्रथम बुधवारे गोल्डकपमा ईतिहास रच्न सफल भएको छ ।
विधागत तर्फ अधिकास उपाधि धरानले हात पारेको छ आजको खेलको म्यान अफ दि म्याच,हाई स्कोरर,अनुसासित खेलाडी,अनुसासितटिम,उत्कृष्ट गोलकिपर मा क्रमश धरानका खेलाडि मिलन राई,वर्तमान राई र धरान फुटवल क्लव र प्रविन लिम्वुले हात पारे भने डागिहाटका खेलाडी अरुण लिम्वु उत्कृष्ट खेलाडी चयन भएका थिए ।
फाईनल खेलको उपाधि कार्यक्रमका प्रमुख अथिति लेटाङ नगरपालिकाका प्रमुख शंकर राइले प्रथम ,विशिष्ठ अथिति उप प्रमुख कृष्ण कुमारी निरौला वडा नम्वर २ का वडा अध्यक्ष तेज प्रसाद तिम्सिना तथा पूर्वाअञ्चल खेलकुद विकास संघकी सदस्य शान्ति पाख्रिन लगाएतले दोस्रो पुरस्कार वितरण गरेका थिए ।
आगामी दिनहरुमा पनि गोल्डकपलाई निरञ्तरता दिईदै जाने आयोजक एकता स्र्पोट क्लवका अध्यक्ष बाल कुमार श्रेष्ठले बताएका छन् ।
